جانتا و پێداویستیی خوێندن بە 550 قوتابی درا

 دیبەگە-KDP.info-  دەزگای خێرخوازیی بارزانی و كۆمپانیای کۆڕەک تیلیکۆم جانتاو پێداویستی خوێندنیان پێشکەشی قوتابیانی کەمپەکانی دیبەگە کرد؛ هەروەها رێکخراوی UNHCR و وەزارەتی کۆچ و کۆچبەرانی عێراق پێداویستی خاوێنکەرەوە و دۆشەک و بەتانیان دابەش کرد. 

 

رێکەوتی 20/12/2016 کۆمپانیای کۆڕەک تیلیکۆم 550 جانتا و پێداویستی خوێندنی بۆ قوتابیانی کەمپەکانی دیبەگە دابین کرد و لە لایەن دەزگای خێرخوازیی بارزانییەوە بەسەر قوتابییەکاندا دابەش کرا.

 

 هەر لە هەمان رۆژدا دەزگای خێرخوازیی بارزانی بە هەماهەنگی UNHCR دۆشەک و بەتانی بۆ 48 کەس و پێداویستی ناوماڵ و خاوێنکەرەوەی بۆ 4 خێزان دابین کرد.

 

  لە چالاکییەکی دیکەدا سووتەمەنی بۆ 402 خێزانی کەمپەکانی دیبەگە دابین کرد. له‌ درێژه‌ی دابه‌شكردنی هاوكارییه‌كاندا، وەزارەتی کۆچ و کۆچبەرانی عێراق کە خاوێنکەرەوە و خاولی بۆ 16 خێزان دابینکردبوو لە لایەن تیمەکانی دەزگای خێرخوازیی بارزانییەوە پێشکەشی ئاوارەکان کرا.