نەوت و سۆپا درایە ئاوارەکان

هەولێر-KDP.info-  له‌ كه‌مپه‌كانی دیبه‌گه‌ ژه‌مه‌خۆراكی گه‌رم و نه‌وت و پێداویستی ناوماڵه‌ و پێداویستی جۆراوجۆری دیكه‌ به‌هاوكاری ژماره‌یه‌ك رێكخراو پێشكه‌ش به‌ ١٤٦٩ خێزانی ئاواره‌ی مووسڵ و ناوچه‌كانی ده‌ورووبەری کرا.

ده‌زگای خێرخوازیی بارزانی له‌ كه‌مپی دیبه‌گه‌دا دوو ژه‌مه‌خۆراكی گه‌رمی دایە ئاواره‌ی تازه‌ هه‌ڵهاتووەکانی ژێر ده‌ستی داعش. له‌ لایه‌كی دیكه‌ و له‌ هه‌ڵمه‌تێكی تردا ده‌زگای خێرخوازیی بارزانی و هه‌ردوو رێكخراوی UNHCR دەستیان کرد به‌ دابه‌شكردنی نه‌وتی سپی به‌سه‌ر ٩٥٧ خێزان، كه‌ هه‌ر خێزانێك بڕی ٤٠ لیتر نه‌وت و هه‌ر ٥١٢ خێزانی دیكه‌ سۆپایان پێدرا.