جلوبەرگ و پێداویستیی زستانە درایە 5 هەزار خێزان

خازر-KDP.info-  دەزگای خێرخوازیی بارزانی لە کەمپی خازر بە هەماهەنگی لەگەڵ چەند رێکخراوێکدا، پێداویستیی زستانە و جلوبەرگی دایە 5 هەزار خێزان.

 

ده‌زگای خێرخوازیی بارزانی به‌هه‌ماهه‌نگی له‌گه‌ڵ ژماره‌یه‌ك رێكخراو و كه‌سایه‌تیی خێرخواز، خۆراك و پێداویستیی منداڵانیان لە کەمپی خازردا دابه‌ش كرد، له‌وانه‌، به‌ هاوكاری له‌گه‌ڵ رێكخراوه‌كانی ئه‌لعتاونا و ئه‌لركیز دۆشه‌ك و به‌تانی و ئاو و نان و خواردنی وشك و خواردنی له‌قوتودراویان به‌سه‌ر 2400 خێزاندا دابه‌ش كرد.

 

 له‌لایه‌كی دیكه‌ له‌ درێژه‌ی دابه‌شكردنی هاوكارییه‌كاندا، ده‌زگای خیرخوازیی بارزانی و ده‌زگای حاجی ئیدریس سورچی و رێكخراوی فەریق ئه‌هلنا خواردنی گه‌رم و وشك و له ‌قوتودراو و نان و شیر و پێداویستی دیکەی به‌سه‌ر 2000 خێزان و 335 منداڵی ئاواره‌ی نوێی كه‌مپه‌كه‌دا دابه‌ش كرد.

 

 هه‌ر له‌درێژه‌ی دابه‌شكردنی هاوكارییه‌كان بۆ ئاواره‌كانی مووسڵ له‌كه‌مپی خازردا، ده‌زگای خێرخوازیی بارزانی به‌هه‌ماهه‌نگی له‌گه‌ڵ وه‌قفی سوننی و خێرخوازێك به‌تانی و دۆشه‌ك و بالیف به‌سه‌ر 500 خێزاندا دابه‌ش كرد، له‌گه‌ڵ دابه‌شكردنی گۆشتی سوور و بڕی 25.000 دینار به‌سه‌ر 100 خێزان، كه‌ هه‌ر خێزانێك 25.000 دیناری پێدرا.