به‌شه‌خۆراكی مانگی ١٠ به‌سه‌ر ٤٥١٦ خێزانە ئاواره‌دا‌ دابه‌ش ده‌كرێت

هەولێر-KDP.info-  ده‌زگای خێرخوازیی بارزانی به‌ هه‌ماهه‌نگی له‌گه‌ڵ پرۆگرامی جیهانی خۆراك به‌شه‌خۆراكی مانگی ١٠‌ به‌سه‌ر ٤٥١٦ خێزانە ئاواره‌ له‌ كه‌مپی دیبه‌گه ‌و به‌حركه‌ دابه‌ش ده‌كه‌ن.

 

٢٠١٦/١٠/٢٦ له‌ درێژه‌ی كار و چالاكییه‌كانی ده‌زگای خێرخوازیی بارزانی بۆ به‌هاناوه‌چوون و دابینكردنی پێداویستییه‌كانی ژیان بۆ ئاواره‌ و په‌نابه‌ران، ده‌زگای خێرخوازیی بارزانی به‌هاوكاری له‌گه‌ڵ پرۆگرامی جیهانی خۆراك WFP)) به‌شه‌خۆراكی مانگی ١٠ به‌سه‌ر ٤٥١٦ خێزانە ئاواره‌دا دابه‌ش ده‌كات، كه‌ ٣٧١٩ خێزان له ‌كه‌مپی دیبه‌گه‌ و ٧٩٧ خێزان له‌ كه‌مپی به‌حركه‌ كه‌ سه‌رجه‌میان ئاواره‌ی پارێزگاكانی عێراقن، كه‌ هه‌ر پارسێلێكی خۆراك پێكهاتبوو له‌ ٦٥.٣ كیلۆ.