راگەیاندنی پارتی، سەرەخۆشی لە خانەوادەی شەهید مستەفا سەعید و کوردستان تیڤی دەکات

دەزگای رۆشنبیری و راگەیاندنی پارتی دیموکراتی کوردستان سەرەخۆشی لە خانەوادەی شەهید (مستەفا سەعید) و کەناڵی ئاسمانی کوردستان تیڤی دەکات

زۆر بەداخەوە  لەکاتی بەجێگەیاندنی ئەرکی پیشەیی و نیشتیمانیاندا و هاوکات لەگەڵ روماڵکردنی پێشڕەوی و سەرکەوتنەکانی هێزی پێشمەرگەی کورستان بەسەر تیرۆریستانی داعشدا لە محوەری خازر، هەڤاڵ (مستەفا سەعید)ـی وێنەگری کەناڵی ئاسمانی کوردستان تیڤی شەهید و هەڤاڵ (هێمن نانەکەلی)ـی پەیامنێر کەناڵی ناوبراو برینداربوون.

بەم بۆنە خەمناکەوە سەرەخۆشی لە خۆمان و خانەوادە و کەسوکار و هاوڕێ و هاوکارانی هەڤاڵی خوالێخۆشبوو و کەناڵی ئاسمانی کوردستان تیڤی و تەواوی میدیاکارانی کوردستان دەکەین و  هیوای زوو چاکبوونەوەش بۆ کاکە(هێمن) دەخوازین.

لەخوای گەورە داواکارین سەبرو ئارامی بە هەموو لایەک ببەخشێت و گیانی کۆچکردوو بە بەهەشتی بەرین شادبکات..   انالله وانا الیه راجعون

دەزگای رۆشنبیری و راگەیاندنی
پارتی دیموکراتی کوردستان
١٤.٨.٢٠١٦