ده‌زگای بارزانی چوو به ‌هانای ٥١٨٩ خێزانە ئاواره‌وه‌

 هەولێر-KDP.info-  ده‌زگای خێرخوازیی بارزانی و ڕێكخراویUNHCR  له‌ كه‌مپی دیبه‌گه‌دا جێوڕێ و خۆراك و پێداوێستییان‌ بۆ‌ ٥١٨٩ خێزانه‌ ئاواره‌ی خەڵکی مووسڵ و ناوچه‌كانی ده‌وروبه‌ری دابین کرد.

  ٨/٨/٢٠١٦ دەزگای خێرخوازیی بارزانی به ‌هه‌ماهه‌نگیی UNHCR له‌ كه‌مپی دیبه‌گه‌ به‌رده‌وامه‌ له‌ دابینكردنی شوێنی حه‌وانه‌وه ‌و پێداویستیه‌ سه‌ره‌كییه‌كانی ژیان و پێدانی دوو ژه‌مه‌خۆراكی گه‌رم به‌سه‌ر ٢٧٥٢ خێزان و كه‌سی ئاواره‌ی تازه‌ هه‌ڵهاتووی ژێر ده‌ستی داعش.

له‌ هه‌ڵمه‌تێكی تریشدا ده‌زگای خێرخوازیی بارزانی و ڕێكخراوی UNHCR هه‌ستان به‌ دابه‌شكردنی سێت مه‌تبه‌خ و جلیكان و خێوه‌ت و پێداویستی پاككه‌ره‌وه‌ به‌سه‌ر ٢٨٤ خێزان و هه‌روه‌ها دابه‌شكردنی پارسێلی خۆراك و ته‌ماته‌و به‌فر به‌سه‌ر ٣٥٠ خێزان و جلوبه‌رگ و ئاو بۆ ١٤٠٤ خێزان.