٨٥٠ خێزانە ئاواره‌ی كه‌مپی به‌حركه‌ هاوكاری کران

هەولێر -KDP.info-  هاوكاریكردنی ئاواره‌كانی خەڵکی پارێزگای ئه‌نبار و سه‌لاحه‌دین و مووسڵ له‌ کوردستان به‌رده‌وامە؛ له‌ هه‌ڵمه‌تێكدا ده‌زگای خێرخوازیی بارزانی به‌ هه‌ماهه‌نگی له‌گه‌ڵ ڕێكخراوی فریاكه‌وتنی ئیسلامی له‌ كه‌مپی به‌حركەدا خۆراکیان بەسەر ٨٥٠ خێزانە ئاواره‌ی مووسڵی و ئه‌نباری و سه‌لاحه‌دینیدا دابەش کرد.

دابه‌شكردنی كۆمه‌ك و هاوكاری و پێداویستی به‌سه‌ر ئاواره‌كانی شاری مووسڵ و ئه‌نبار و سه‌لاحه‌دین له‌ كه‌مپه‌كانی هه‌رێمی كوردستان به‌رده‌وامه‌ و له‌و میانه‌شدا ده‌زگای خێرخوازیی بارزانی به ‌هاوكاری له‌گه‌ڵ ڕێكخراوی فریاكه‌وتنی ئیسلامی، وشكه‌خۆراكیان‌ پێشكه‌شی ٨٥٠ خێزانە ئاواره‌ی كه‌مپی به‌حركه‌ له‌ سنووری پارێزگای هه‌ولێر كرد.