مەکتەبی سەرۆک سەرەخۆشی لە خانەوادەی عەبدولرەحمان جیهانبەخش جمور دەكات

بەڕێزان خانەوادەی عەبدولرەحمان جیهانبەخش جمور

بەداخەوە هەواڵی کۆچی دوایی کەسایەتیی ناسراوی گەرمیان و سەرۆک هۆزی جمور، کاک عەبدولرەحمان جیهانبەخش جمور - مان پێگەیشت. پرسە و سەرەخۆشیی ئاراستەی خانەوادە تێکۆشەرەکەتان و سەرجەم خزم و کەسوکار و هاوڕێیانتان دەکەین و خۆمان بە هاوبەشی خەمتان دەزانین.
لە خوای گەورە داواکارین گیانی کاک عەبدولرەحمان بخاتە بەر دلۆڤانیی خۆی و دڵنەوایی و ئارامییش بە هەموولایەک ببەخشێت.

انا للە وانا الیە راجعون

مەکتەبی سەرۆک