دەزگای بارزانی ٣٤٢٥ ئاوارەی باروبوو کرد

شنگال-KDP.info- ده‌زگای خێرخوازیی بارزانی به ‌هاوكاری له‌گه‌ڵ مانگی سووری ئیماراتدا، ١٥٠٠ پارسێلی خۆراكی به‌سه‌ر هێزه‌كانی پێشمه‌رگه‌ی كوردستان له‌ میحوه‌ری گوێڕ و مه‌خموور دابه‌ش كرد، هاوكات له‌ چیای شگال و كه‌مپی به‌حركه‌ چه‌ندین جۆر پێداویستی دابه‌ش كران.

٥/٣/٢٠١٦، ده‌زگای خێرخوازیی بارزانی و مانگی سوری ئیمارات، پێکەوە ١٥٠٠ پارسێل خۆراكیان به‌سه‌ر هێزه‌كانی پێشمه‌رگه‌ی كوردستان له‌ میحوه‌ره‌كانی گوێڕ و مه‌خمووردا دابەش کرد؛ هه‌ر پارسێلێك و برنج، ساوار، شیر، دۆشاوی ته‌ماته‌، خوێ، شه‌كر، فاسۆلیا و، ڕشتە (شه‌عریه)ی تێدا بوو‌.
لە چیای شنگالیشدا، دەزگای بارزانی و ڕێكخراوی فرێم پێکەوە جلوبه‌رگ و خۆراك به‌سه‌ر ١٦٠٠ خێزانە ئاواره‌ی ئێزیدیدا دابەش کرد.

ده‌زگای خێرخوازیی بارزانی و ڕێكخراوی ISHO پێکەوە جلوبه‌رگیان به‌سه‌ر ٩٦٠ خێزانە ئاوارەی کەمپی بەحرکەدا دابەش کرد. هەر لەو كه‌مپەدا، ده‌زگای خێرخوازیی بارزانی و خێرخواز ئه‌حمه‌د محه‌مه‌د بە هەرەوەزی بڕی ٩٠٠ كیس خواردن و ٩٠٠ مریشکیان به‌سه‌ر ٨٦٥ خێزانە ئاوارەدا دابه‌ش كرد.