مەکتەبی سەرۆک، سەرەخۆشی لە کەمال جەمال ئاغا کاکەیی دەکات

بەڕێزان خانەوادەی خوالێخۆشبوو کەمال جەمال ئاغا کاکەیی

بەداخەوە هەواڵی کۆچی دوایی سەرۆکی عەشیرەتەکانی کاکەیی، پارێزەر (کەمال جەمال) ئاغا کاکەیی پێگەیشت. خۆمان بە هاوبەشی خەمتان دەزانین و سەرەخۆشی لە بەڕێزتان و خانەوادە تێکۆشەرەکەتان و سەرجەم خزم و کەسوکارتان دەکەین.
لە خوای گەورە داواکارین گیانی کاک (کەمال) بخاتە بەر دلۆڤانیی خۆی و دڵنەوایی و ئارامییش بە هەموولایەک ببەخشێت.
انا للە وانا الیە راجعون

مەکتەبی سەرۆک