ده‌زگای راگه‌یاندنی پارتی پیرۆزبایی له‌ كوردستان تیڤی كرد

هه‌ولێر-KDP.info-  ده‌زگای رۆشنبیری و راگه‌یاندنی پارتی دیموكراتی كوردستان په‌یامێكی پیرۆزبایی به‌بۆنی 17 ساڵه‌ی دامه‌زراندنی كوردستان تیڤی راگه‌یاند كه‌ ئه‌مه‌ ده‌قه‌كه‌یه‌تی:


 بەڕێزان: بەڕێوەبەرى گشتى و سەرجەم کارمەندانى کوردستان تیڤی..

   لە (17)هەمین ساڵوەگەڕى دامەزراندنى کەناڵى (Ktv) گەرمترین و جوانترین پیرۆزبایی خۆمان ئاراستەى ئێوەى بەڕێزو ماندوونەناس و  بینەرانى کەناڵەکەتان دەکەین، هیواى بەردەوامی و پێشکەوتنى زیاترتان بۆ دەخوازین.
  کەناڵى ئاسمانى کوردستان کە بەر لە (17) ساڵ بە سەرپەرشتى و رێنوێنی سەرۆک بارزانى دامەزرا، قۆناغێکى بەرچاو و جیاوازی لە بوارى کارى میدیایی خستەوەو بە پلان و پڕۆژەیەکی پێشکەوتووى زانستى و  تەکینیکیەوە دەستى بە پەخش کردو مایەى خۆشحاڵیشە،  کە توانی پەخشی راستەوخۆى سەرتانسەرى جیهان بگرێتەوە.
    ئاشکرایە رۆڵى دەزگاو کەناڵەکانى میدیا لەو رەوشەى ئەمڕۆماندا تا چ رادەیەک هەستیار و گرنگە بەتایبەتیش کاریگەرى شاشەى تیڤی، لەو سونگەیەوە (Ktv) هەردەم بەرپرسانە و راستگۆیانە کاروچالاکی و بەرنامەکانى ئەنجام داوە و بۆ خستنەڕووى راستییەکان هاوسەنگەر و شانبەشانى سەرکەوتنەکانى هێزى پێشمەرگەى کوردستان و خەڵکى کوردستان لە بەرەکانى بەرگرى دابووە.

   ئومێدەوارین ئەو بۆنە پیرۆزە دەرفەتێک بێت بۆ هەنگاوى چاکتر و پێشکەوتووتر لە کارەکانتان و پێشخستنى بوارە جۆراوجۆرەکانى کارو بەرنامەکانتان، هەر بەو بۆنەیەوەش پاڵپشتى تەواومان بۆ کەناڵى ئاسمانى(Ktv) دووپات دەکەینەوەو جەخت لەسەر هەوڵەکانمان دەکەینەوە بۆ چارەکردنى کەموکوڕییەکان و پاراستنى پێشەنگى کەناڵەکە و هیواى پێشکەوتن  و سەرکەوتنى زیاتر بۆ یەکەمین کەناڵى ئاسمانى لەسەر خاکى وڵات و پێشەنگی میدیاى کوردستانیی، دەخوازین. 
     دووبارە پیرۆز بێت (17) هەمین ساڵیادى دامەزراندنى کەناڵى ئاسمانى کوردستان(Ktv)..

دەزگاى رۆشنبیریی و راگەیاندنى  پارتى دیموکراتى کوردستان

16/1/2016