پارتی سەربەستیی کوردستان ساڵیادی دامەزراندنی پارتی پیرۆز دەکات

  بەڕێز کاک مەسعوود سەرۆکی پارتیی دیمۆکراتی کوردستان

بەڕێز مەکتەبی سیاسیی پارتیی دیمۆکراتی کوردستان

بە بۆنەی یادی ٦٩ ساڵەی پارتە تێکۆشەرەکەتان "پارتیی دیمۆکراتی کوردستان" . 
وەک ئەنجوومەنی سەرکردایەتیی پارتیی سەربەستیی کوردستان بە ناوی گشت ئەندامان و هاوبیرانی پارتەکەمانەوە گەرمترین پیرۆزباییتان ئاراستە دەکەین. هەر لە رێگەی ئێوەشەوە پیرۆزبایی لە سەرجەم کادر و ئەندامەکانی پارتەکەتان دەکەین و هیودارین پارتەکەتان هەردەم لە پێشکەوتن بێت لە پێناو بەدیهێنانی ئامانجە نەتەوەییەکانیدا.

شەستونۆساڵ خەبات و تێکۆشانی بەردەوامی پر لە مێژووی هەمەڕەنگەتان بەرز دەنرخێنین.
کە ئیستایش پارتە بەڕێزەکەتان و سەرۆکی پارتیتان جەنابی سەرۆک مەسعوود بارزانی جووڵێنەری پرسی سەربەخۆیی کوردستانە، ئەمەش گەورەترین ئاوات و ئارەزووی گشت خەباتگێرانی گەلەکەمانە.
پارتیی سەربەستیی کوردستانیش کە پارتێکی نەتەوەییە و خەبات دەکات لە پێناو سەربەخۆییی کوردستان، هەمێشە خۆی بە پشتیوان و دۆستی پارتە نەتەوەییەکەتان لەپێناو یەکێتیی گەلی کورد بۆ سەربەخۆییی یەکجاری کوردستان دەزانێت.

جارێکی دیکە پیرۆزبایی یادی ٦٩ ساڵەتان ئاراستە دەکەین.
هەر شاد و سەرکەوتوو بن

ئەنجوومەنی سەرکردایەتیی پارتیی سەربەستیی کوردستان
٢٣ی گەلاوێژی ٢٧١٥ی کوردی /   ١٤ /  ٨/ ٢٠١٥ زاینی