خەما کابینەیا نەهێ خزمەتکرنا خەلکێ کوردستانێ یە
چیا حه‌مید شه‌ریف*
خەما کابینەیا نەهێ خزمەتکرنا خەلکێ کوردستانێ یە، رێگری مە بهێز دکن و دێ بەردەوام بن سەر خزمەتێ
ئەم وەک پەرلەمانتار شاهدیا وێ ئێکێ ددن، دەما بەرێز مسروور بارزانی بەرامبەر پەرلەمانێ کوردستانێ سویندا یاسایی خاری و بەرنامێ حکومەتێ بەرچاڤ کری، پرانیا وان خالان هاتنە جێبەجێ کرن، ب ئێک چاڤ و ب یەکسانی تەماشەیی هەمی دەڤەرێن کوردستانێ کریە، کار و پرۆژەیێن حکومەتێ د چار سالێن بۆری شاهدێ وێ ئاخفتنا مەیە.
لێ مخابن ل پارێزگەها سلێمانیێ و هەله‌بجە ئاریشه بۆ کارێن حکومەتێ دهێنە چێکرن و زەرمەندێ سەرەکێ ژی خەلکێ خوەشتڤیێ وان دەڤەرانە، دپەیاما ئەڤرۆ یا بەڕێز سەرۆکێ حکومەتا هەرێما کوردستانێ ب شێوەکێ ئەشکەرە ئەو تشت هاتنە بەرچاڤ کرن، ئەوا هاتی ئەشکەرەکرن بەشەکێ کێم یا وێ رێگریا ل کارێ حکومەتێ دهێت کرن، بەڵگە و دۆکۆمێنتێت گرنگ هەنە ئەگەر پێتڤی کر دێ ئەو ژی بۆ رایا گشتی هێنە ئەشکەرە کرن.
یا جهێ داخێیە یێن خوە ب بەرپرس ل پارێزگەهێن هەلەبجە و سلێمانیێ و ئیدارەیێن گەرمیان و ڕاپەرین دزانن، رۆژانە دهێن سەر شاشەیان و کار و پرۆژەیێن حکومەتێ کێم دکن، لێ خەلکێ خوەشتڤیێ وان دەڤەرا دزانن کا کی ڕێگرە ل بەر ئاڤادانکرنا دەڤەرێن وان.
لێ یا جهێ دلخوەشیێ یە کابینەیا نەهێ یا حکومەتا هەرێما کوردستانێ، بەردەوامە ل سەر جێبەجێکرنا بەرنامێ خوە، ئەو رێگری وان پتر ب هێز دکت و دێ بەردەوام بن ل سەر خزمەتکرنا خەلکێ کوردستانێ.
*ئه‌ندامێ په‌رله‌مانێ كوردستانێ
