سەرۆک بارزانی پێشوازی لە کونسوڵی هۆڵەندا لە هەولێر دەکات
ڕۆژی سێشەممە 20 کانوونی یەکەمی 2022 لە سەلاحەددین سەرۆک مەسعود بارزانی پێشوازی لە بەڕێز یاکو بریندز کونسوڵی هۆڵەندا لە هەولێر کرد.
لە دیدارەکەدا پەیوەندییە دۆستانە و مێژووییەکانی نێوان هەرێمی کوردستان و هۆڵەندا خرایە بەر باس بەتایبەت لە شەڕی دژی تیرۆر کە هۆڵەندا بەشێک بوو لە هەوڵی نیودەوڵەتی لە یارمەتیدانی پێشمەرگە بۆ شکاندنی داعش.
تەوەرێکی تری ئەو دانیشتنە ئاساییشی خۆراک و پێویستیی پاڵپشتیکردنی کەرتی کشتوکاڵ بوو بۆ ئەوەی ببێتە سەرچاوەیەکی گرنگ لە تەنیشت سەرچاوە پڕ خێر و بەرەکاتەکانیتری کوردستان.
