ئەو قەلەمێن بوینە زوڕنا
لیوا حسن نوری
دیارە بزاڤا رزگاریخوازا کوردستانێ بەردەوام قەلەمێن رەسەن و شورەشگێر ھەمی دەما ھێلا دووێ یا بەرەڤانیێ بوون ژ دۆزا رەوایا مللەتەکێ دبن چەندین جورێن زولم و ستەمێ ڤە و چەند بزاڤا رزگاریا مللەتێ کورد قوناغ دبڕین و پێشدکەفت ئەو قەلەمێن رەسەن فیکر و سەنگەرسازی ژبۆ چەمکێن مرۆڤپەروەری و ب لوژیکێن گونجایی ھاوکێشە دکر و دبوھژی دناڤ رویبارێ خزمەتا داد و پشتەڤانیکرنا رێرەوێن راست و دورستێن ئاڤا کرنا کەساتیا تاکێ کورد یێ فیداکار و قارەمان کو چەڤەنگێ سنج و پاک رەفتارێن مەردایەتیێ و ئازایەتیێ ببیت، بێ گومان رولێ نڤیسەر و روشنبیر و تەخا بژاردە دئاڤاکرنا کەساتیا تاک و چڤاکێ کوردستانێ بارا شێری بەر دکەفت و ئەرکەکێ چارەنڤیسساز بوو، کەواتە بەخششا خو بۆ بوارێ ئاڤاکرنا بناغە و شەنگستەیێن موکمێن جڤاکەکێ تەندورستمەند یێ رزگار و ئازا بەرجەستە کر و ب کریار سەلماند، ل پشتی سەرھلدانا پیروزا ١٩٩١ ێ دوژمنا حسابەکا مەزن بو ڤی پێگەھێ رەسەن و بھێزێ قەوارەیا مە یا ھەرێما کوردستانێ کر و پیلانێن دژوار گێران کو بەری ھەر تشتی سەرچاڤکێ ڤی سەنگەرێ کوردایەتیێ ژناڤ ببەن ئەو بوو برێکا ھندەک دەستکیسێن خو بەرنامەیێن ژێکڤەکرنا رێزا موکما نڤیسەر و بژاردەیا ھزری و روشنبیر وەکو ژەھرەکێ ھاڤێتە د شەقامێ فیکری مەعریفا روشنبیریا رەسەنا کوردیدا و گێژەڤانکەک مەزن دورست بوو لبن ناڤێ نویخواز و کەڤن خواز لگور سالوخدانێن بەرنامێ دوژمنا و پاشی بەلاڤکرنا تێگەھێ ھەرفاندنا پیروزیا دئەدەب و فیکر و مەعریفێ دا لێدانا خو بۆ پیرۆزیا چر و پر کرن و ئەڤێ گێژەڤانکێ درێژەکێشا تاکو پشتی سالا ٢٠٠٣ێ کو دکتاتوریەتا عیراقی ھەرفاندی و کورد و کوردستانیا رولێ سەرەکی گیرا دپرۆسەیا ئازادیا عیراقێ دا، و کوردا مەودایەکێ بەرفرەھتر یێ دەستھەلاتێ بدەستڤەئینا، بەرنامێن دوژمنا چر و پر تر لێھاتن ژبو ژێکڤە کرنا کەلەشێ روشنبیری و ھزرڤانیا رەسەنا کوردستانێ کو ستوینا سەرەکی یا وێ پاراستنا پیرۆزیێن وەلاتی بوو و بکارئینانا وان چەمکێن وەلاتی و نەتەوەیی دناڤ ھەمی رەگەزێن وێژە و ئەدەبیاتا و بەری ژێکڤە کرنا سیاسیا، خودان فیکر و روشنبیر ژێکڤەکرن و ھێلا دووێ یا بەرگریێ روخاند و نھا ھندەک ژوان قەلەما یێت بوینە زورنا بۆ دوژمنا و بساناھی یێن بیردۆزا دئینن بۆ خودانە دەستا دوژمنا و رەواکرنا خو تەسلێمکرنێ و حەلال کرن و نەھێلانا قەوارەیا سیاسی یا ھەرێما کوردستانێ و ھندەک ژی یێ بەرڤانیێ ژ پرنسیپێن وەلاتی و پێشمەرگەی و شەھیدا دکەن و ھەڤرکی بەردەوامە و سەرکەفتن بۆ قەلەمێن فیداکارە و مرن و سەرشوری بۆ قەلەمێن زورنایە یێن کو خەزعەلی و میناکێن وی ئیلھام پەخشێن وان و ئەو سەمایێ لبەر دکەن.
