شۆرشا (26)ی گولانێ و دورستبوونا جڤاكێ به‌رگریكارێ كوردستانێ
لیوا حەسەن نوری
پشتی شكه‌ستا سالا (1975)ێ جڤاكێ كوردستانێ یێ سه‌رهلدایی و په‌رژین و شویرها موكما شۆرشێ كه‌ته به‌ر چه‌ندین شالاوێن قركرنێ كو یا ژهه‌میان مه‌ترسیدارتر ئه‌و بوو نه‌هێلانا موركا راسته‌قینه‌یا وێ تۆرا موكما جڤاك و كۆمه‌لگه‌هی بوو ژبۆ ب رێكا به‌رنامێ سێ كوچكا سه‌ره‌كی یا حزبا به‌عس:
(1- راگوهاستن. 2- به‌عسكرن. 3- عه‌ره‌بكرن) كو بڤێ به‌رنامێ ژه‌هركری ئه‌و پشت راست بوون ئه‌و جڤاكێ بدرێژاهیا خه‌بات و تێكوشینا پارتی دیموكراتی كوردستان و شۆرشا مه‌زنا ئه‌یلولێ دروستكری دێ ژناڤ به‌ن و ناهێلن.
سه‌ركردایه‌تیا سیاسیا كوردستانێ بمه‌زنیا ڤێ مه‌ترسیێ حه‌سیان و كاردانه‌ڤه‌یا شوره‌شێ و بتایبه‌تی سه‌روك مسعود بارزانی، بۆ ڤێ پیلانا مه‌زن گه‌له‌ك یا بله‌ز بوو و لئاستێ ڤێ ئالنگاریێ بوو.
ژبو كو ئاسه‌وارێن ڤێ سیاسه‌تا ره‌گه‌ز په‌ره‌ستی كێم بكه‌ن و نه‌هێلن، نه‌خشه‌رێكا شۆرشێ ئه‌و بوو لسه‌ر هه‌ر سێ گۆره‌پانا چ گۆره‌پانا:
1- ده‌رڤه‌ی باشورێ كوردستانێ، كه‌واته دناڤ ئاواره‌یێن كو ل ئیرانی و ئه‌وروپا و ئه‌مریكا.
2- ل گوره‌پانا ناڤخویی، باژێر و باژێروكێن كوردستانێ یێن لبن ده‌ستهه‌لاتا رژێمێ دا.
3- لگوره‌پانا ده‌ڤه‌رێن رزگار كری یێن لبن ده‌ستهه‌لاتا پێشمه‌رگه‌یێن كوردستانێ دا، تۆرا كۆمه‌لایه‌تی و یه‌كخستنا نێرینێن به‌رخودان و خوراگریێ موكم بهێلن و پێشدا ببه‌ن.
ئه‌و بوو ل ئەوروپا و ئه‌مریكا ب ده‌ها به‌لاڤوك و نامیلكه و گوتار و دیدارێن رۆشنبیری ب ده‌ستپێشخه‌ریا جه‌نابێ سه‌رۆك مسعود بارزانی هاتنه زیندی كرن و بگره كارێن هونه‌ری ژی كو ده‌ربرینێ ژ دیدگاهێن به‌رخودانێ بكه‌ن هاتنه ئافراندن و باشترین میناك بو هندێ ده‌ربرینێ ژ وێ قویناغێ بكه‌ت، وه‌كو گوڤارا زاگروس و كوردستان پرێس و كارێن هونه‌ریێن هونه‌رمه‌ندێ مه‌زن و هه‌لگرێ مدالیا بارزانیێ نه‌مر، جه‌مال نه‌به‌ز.
لناڤ شوره‌شێ دا ژی جموجوله‌كا رۆشنبیری فیكری دورستكرن لناڤ پێشمه‌رگه‌ی و ده‌وروبه‌رێن وان ژ كه‌س و كار و گوند و باژێر و باژێروكێن كوردستانێ كو ده‌ربرینا گرنگیا خوڕاگری و فیداكاریێ دكر و ب رێكا خرڤه بوون و ریكوردێن ده‌نگی یێن هه‌لبه‌ست و ستران و خرڤه‌بوونێن هه‌لبه‌ست و ستران و خرڤه‌بونێن هه‌لبه‌ست خواندن و شانوگه‌ری و هتد.
و بخوژی زه‌مینه‌یه‌كا لبار هه‌بوو كو جڤاكێ مه لبه‌ر خو بده‌ت ژ ئه‌نجامێ ئه‌و عمبارا مه‌زنا مورال و گیانێ كوردپه‌روه‌ریێ و زنگینا شوره‌شا ئه‌یلولێ ب كه‌لتورێ خومالیێ رێبازا بارزانی و پێگه‌هێن نه‌ته‌وه‌یی یێن بزاڤا سیاسی، سه‌رچافكی و یێ سه‌ره‌كی بوون برێكا پارتی دیموكراتی كوردستان.
لناڤ باژێر و باژێروكێن لژێر ده‌ستهه‌لاتا رژێما به‌عس چه‌ند زولم و زۆری توند و تویژتر دبوو هند، به‌رخودان موكمتر لێدهات.... قوتابی و لاو و كاسبكار، یه‌ك دل و یه‌ك ده‌ست و یه‌ك ده‌نگ سینگێ خۆ ب زولم و زۆرێ ڤه‌نا و هه‌میان گوتارا نه‌ته‌وه‌یی هه‌مبێز كر و خورسكانه به‌راهیی (اولویه‌ت) بۆ كارێ نه‌ته‌وه‌یی بوو، جاشایه‌تی و خو فرۆتن شه‌رمزاریه‌كا مه‌زن بوو پێله‌ك و هێزه‌كا مه‌زن یا كۆمه‌لگه‌هه‌كێ پاك و فیداكار و به‌رگریكار دورست بوو سه‌ره‌رای توند و تویژیا رژێمێ ده‌نگێ دلێریا چه‌ك قاره‌مانیا پێشمه‌رگه‌ی ئیلهام به‌خشا هه‌می كه‌رت و توێژێن جڤاكی و كۆمه‌لگه‌هێ مه بوو ژبو دورستكرنا چه‌په‌رێ مانێ و نه‌مانێ. نڤیسه‌ر و هه‌لبه‌ستڤانا به‌رهه‌مێن ئاگرێن د ئافراندن، هه‌وه‌كا مه‌زنا كوردایه‌تیێ كه‌ته دناڤ دل و ده‌روونێ كچ و كور و پیر و زارۆكێن وەلاتی دا و ئه‌و جڤاك دورست بوو یێ كو دوژمنا به‌رنامێن ژه‌هراوی دادرێتن ژبو سڕین و نه‌هێلانا وی جڤاكی، ئه‌و جڤاك سه‌ركه‌فت و سه‌ركه‌فتنێن ل ئاینده ژی دا هه‌ر بۆ وی جڤاكی خورسك بن.
لبیره‌وریا شوره‌شا ٢٦ی گولانا پێشكه‌فتنخواز دا سه‌رێ رێز و نەوازشێ داده‌نوێنین بۆ كاروانێ شه‌هیدێن بزاڤا رزگاریخوازیا نه‌ته‌وا كورد و لپێشیا وان بارزانیێ نه‌مر و كاك ئیدریسێ جوانه مه‌رگ، سلاڤا دهنێرین بۆ پێشمه‌رگه‌یێن گیانفیدا و فێرسێن چه‌په‌رێن سه‌رفه‌رازیێ..
هه‌رێ به‌رز و بلند بیت ئالایێ كورد و كوردستانێ ب رێبه‌ریا سه‌روكێ خوشتڤی كاك مسعود بارزانی.
