سەرۆك بارزانی پێشوازی لە پارێزگاری دیوانیە دەكات
پێشنیوەڕۆی ڕۆژی پێنجشەممە ٢٠ـی ئایار ٢٠٢١ لە سەلاحەددین سەرۆك مەسعود بارزانی پێشوازی لە زهێر ئەلشەعلان پارێزگاری دیوانیە كرد.
لە دیدارەكەدا بارودۆخی سیاسیی عێراق و ڕەوشی ژیانی خەڵك لە پارێزگای دیوانیە و پارێزگاكانی تری عێراق تاوتوێ كرا و جەختیش لەسەر پەیوەندییە مێژووییەكانی نێوان گەلی كوردستان و دانیشتوانی پارێزگاكانی باشووری عێراق كرایەوە.
هەر لەو دیدارەدا پارێزگاری دیوانیە پێزانینی هەبوو بۆ بووژانەوە و پێشكەوتنەكانی هەرێمی كوردستان و خوازیاری ئەوە بوو كە پارێزگای دیوانیە سوود لە ئەزموونەكانی هەرێمی كوردستان وەربگرێت.
