سه‌رۆك بارزانی: خەبات و تێكۆشانی كەرەمێ سەیاد سەر مەشقە بۆ هەموو كوردێكی نیشتیمانپەروەر
هه‌ولێر-KDP.info- سه‌رۆك مه‌سعود بارزانی بۆ كۆچی دوایی كه‌ره‌مێ سه‌یاد، په‌یامێكی سه‌ره‌خۆشی بڵاو كرده‌وه‌و رایده‌گه‌یێنێت: كه‌رەمێ سەیاد بۆ ساڵانێكی دوورودرێژ و ماندوونەناسانە كاری بۆ پێشخستنی زمان و ئەدەبی كوردی و بەڕێوەبردنی رادیۆی یەریڤان كرد و رۆڵێكی كاریگەری لە بڵاوكردنەوەی فەرهەنگ و زمانی كوردی لە ئەرمەنستان و وڵاتانی سۆڤییەتی پێشوودا هەبوو. خەبات و تێكۆشانی كەرەمی سەیاد سەرمەشقە بۆ هەموو كوردێكی نیشتیمانپەروەر و جێگەی پێزانینێكی زۆرە.
ده‌قی په‌یامه‌كه‌ی سه‌رۆك بارزانی:
بەناوی خودای بەخشندە و میهرەبان
بەداخێكی زۆرەوە هەواڵی كۆچی دوایی ڕۆشنبیر و رۆژنامەنووسی نیشتیمانپەروەری كوردی ئەرمەنستان (كەرەمێ سەیاد)ـم بیست. كەرەمێ سەیاد بۆ ساڵانێكی دوورودرێژ و ماندوونەناسانە كاری بۆ پێشخستنی زمان و ئەدەبی كوردی و بەڕێوەبردنی رادیۆی یەریڤان كرد و رۆڵێكی كاریگەری لە بڵاوكردنەوەی فەرهەنگ و زمانی كوردی لە ئەرمەنستان و وڵاتانی سۆڤییەتی پێشوودا هەبوو. خەبات و تێكۆشانی كەرەمی سەیاد سەرمەشقە بۆ هەموو كوردێكی نیشتیمانپەروەر و جێگەی پێزانینێكی زۆرە.
سەرەخۆشیی خۆم ئاراستەی بنەماڵە و دۆست و هەڤاڵانی كەرەمێ سەیاد و هاووڵاتیانی كوردی ئەرمەنستان و وڵاتانی سۆڤییەتی پێشوو دەكەم و خۆم بە هاوبەشی خەمیان دەزانم.
هیوای سەبر و ئارامی بۆ هەموو لایەك دەخوازین و رۆحی كەرەمێ سەیاد شاد بێت.
مسعود بارزانی
٢٨ـی ئاداری ٢٠٢١
