بۆ یادا دامەزراندنا پارتی... پارتیا سەربەخۆییا کوردستانێ
مللەت عسمەت
ھێشتا یٔەم دزارۆک دسالڤەگەرا شازدەیی تەباخێ دا رەنگێ زەر ھەمی جھ دداپۆشین و سلۆگانێن "پێشرەوی کورد پارتی یە، سەرۆکمان بارزانی یە"، و "یٔاشتی، یٔازادی، دیموکراتی، کۆردستان مە ددیتن" ل سەر شاشێن تەلەفزیۆنان، دناڤ یٔاھەنگێن جەماوەری دا، دناڤ کۆڕ و سحبەتێن مالێ دا، ژ دەیک و بابا مە گوھداریا ناڤێ پارتی دیموکراتی کوردستان و دیرۆک و خەباتا ڤێ پارتا مەزن دکر، لێ دگەل ژیێ سنێلەیی و لاوینیێ پشتی دناڤا چالاکی و خواندنا بابەتان دا چووین یٔەم تێگەھشتین کو پارتی یٔێکەمین پارتا کوردستانی یە ب یٔاشکەرا و بەردەوام داخوازا سەربەخۆییا کوردستانێ و یٔاشتی و یٔازادی و پێکڤە ژیانێ بۆ ھەمی پێکھاتێن کوردستانێ کری و خەباتێ بۆ دکەت، ب رێزبەندییەکا ژیواری ژ یٔۆتۆنۆمیێ دەستپێکر بەرەف فیدرالیەتێ و ژ فیدرالیەتێ بەرەف سەربەخۆیی و دەولەتێ دخەباتا حەفتێ و چار سالیا خۆ دا یا بەردەوامە.
پارتی دیموکراتی کوردستان کو ب پارتەکا نشتیمانی یا کوردستانی دگەل داینە ب باوەریەکا مەزن دحەفتێ و چار سالیا خۆ دا ب تەمەنەکێ پیر لێ ب مەژی و رەفتارەکا سەردەم و نوی خەباتێ دکەت، ژ چیایێن سەربلندێن کوردستانێ بەرەف یٔاڤەدانکرنا باژێران، ژ قوتابخانێن بن داروبەران بەرەف دامەزراندنا زانکۆیان، ژ نەبوونێ رێکخستنا جڤاکی کر و بەرخودان پیرۆز و سەرفەراز کر.
پارتی نە بتنێ شەر بۆ ب دەستڤەیٔینانا مافێن نەتەوا کورد کر بەلکی گەلێ کوردستانێ دشۆرەشا مەزنا یٔەیلۆلێ دا کۆمڤەکر ژ ھەمی پیکھاتە و نەتەوان و دشورەشا گۆلانێ دا سەرکردایەتیەکا تازە و مودێرن ب دسپلینەکا نوی ب ھزاران لاوان چەکێ شەرەفێ ھەلگرت و یٔەڤ وەلاتە ب خوینا خۆ پاراست، ب یٔەنفالان پارتی نە ھەژیا، ب کیمیا بارانان ژ خەباتێ نەرەڤیا، ژ کلۆخێن شەھیدان یٔەڤ ھەرێمە یٔاڤاکر، و نە دویر بتنێ بەری شەش سالان ب خۆینا سەدان شەھیدان جارەکا دی ژیان بۆ ڤی وەلاتی پاراست.
یٔەو پارتیا ژ کەلتورێ "بارزانیێ نەمر" یٔیلھاما خو وەردگریت"، یٔەو پارتیا ژ بۆ مافێ گەلێ کوردستانێ ب ھەمی پێکھاتەیان ڤە خەباتێ دکەت، یٔەو پارتیا ب رابەریا جەنابێ سەرۆک "مسعود بارزانى" ریفراندۆما سەربەخوییا کۆردستانێ یٔەنجامدایی و ژ کارێزما جەنابێ وان ھێز و یٔیرادێ وەردگریت.
یادا دامەزراندنا پارتی ھندا مەزنە، ھندی خۆڕاگریا چیایێن کۆردستانێ، یادا دامەزراندنا پارتی ژ تەمەت دلسۆزیا جەماوەرێ کۆردستانێ شرینە، دامەزراندنا پارتی پیرۆزە ب پیرۆزیا خۆینا شەھیدێن کوردستانی، پارتی بھێزە ب نویبوون، دادپەروەری و پێکڤەژیانێ.
