74 ساڵ، ڕۆناهیا ڕێکا كوردستانییان
عەزیز وەیسی
ڕۆژا ١٦ی تەباخێ ڕۆژەکا پیرۆز و نەمرە ل وژدانا کوردستانیان، شۆڕەشەکا سەرانسەرە ل سەر باروکاودانێن هەرە خراب. ڕۆناهی دا ڕێکا نەتەوەکێ د ناڤ تاری و پاشڤەمایینێدا خەندقی مای، گازییەكا یٔێکگرتنێ بوو ژ نەتەوەکێ پەرت و بەلاڤ و ژ یٔێك دابڕی.
ل سەرانسەری کوردستانێ کۆلۆنیالیستان ب هەڤکارییا زلهێز و یٔمپریالیستان چەقێن خۆ ل کوردستانێ بەلاڤ دکرن و ڕهێن خۆ کویر دادهێلان، تۆڤێ بێیٔومێدیێ دچاندن، مژویلی شکاندنا یٔیرادەیا کوردستانییان بوون. د ناڤ ڤان ڕەوشاندا، ب رێبەراتییا ڕێبەر و سەرۆکێ نەتەوەیی و ڕۆحی (مەلا مصطفی بارزانی) پارتی دیموکراتی کوردستان هاتە دامەزراندن. خۆدان بەرنامەیێ یٔازادی و ڕزگارییا نەتەوەیی و نیشتمانی، هەلگرا بیروباوەرێن دیموکراسی و پێکڤە ژیانێ، ل بەرامبەر ستەم و زۆرداریێ سەرهلدان و بەرخۆدان. تیۆر و بەرنامەیێ شۆڕەشگێری یێ هەری پێشکەفتی دانان.
ل سەرانسەری باشوورێ کوردستانێ، پەڕێن شۆڕەشێ و پارتی بەلاڤبوون. مەژی و وژدانا کورد و کوردستانییێن تەڤایا جیهانێ ب پڕەنسیب و بەرنامەیێ پارتی دیموکراتی کوردستانێ، هاتە داگیرکرن.
یٔەڤە ٧٤ سالە هێزێن داگیرکەر ب هەڤکاریا زلهێزێن خۆپەرست و دژی مرۆڤاتییێ، ب ڕێکێن پیلانگێری، فێلبازی، ب خاپاندنێ و خیانەتکەران، ب مەزنترین دەزگەهێن پڕۆپاگندە و شەڕێن دەرۆنی و هێزێن زەبەلاحێن لەشکرێ یٔامادەکری، ب باشترین چەک و مەشق و تەکنۆلۆجیا لەشکری، هەوڵێن بنبڕکرنا پارتیێ دکرن و دکەن.
لێ مێزە دکەم یٔەوانا سەرنەکەفتن و شکەستن بەهرا وان بوویە. لێ پارتی دیموکراتی کوردستان؛ تو هەر یا مای و دێ هەر مینی، چونکی تو قەدەر و گەرنتیکرنا مافێن ڕەوایێن کوردستانییانی. یٔەڤرۆ باشتری ژ دهی ل ژێر ڕێبەراتییا سەرۆک و قەهرەمانێ چەرخێ ٢١ێ، چەڤەنگێ کۆلنەدان و بەرخۆدانێ ڕێزدار مەسعود بارزانی، یٔەم باشترین و بلندترین.
پیرۆزە سالڤەکەرا پارتیا مە پارتی دیموکراتی کوردستان. پیرۆزە ڕۆژا ژ دایكبوونا سەرۆك و ڕێبەرێ مە یێ نەتەوەیی ڕێزدار مەسعود بارزانی.
ناشکێین و نامرین، دێ هەر مینیت مللەتێ مە و نەتەوەیا مە. بلند و بەرزتر ببیت یٔاڵایێ کوردستانێ.
