هەماهەنگى دناڤبەرا سوپایێ عیراقێ و حەشدا شەعبى دا نەمایە

میحوەرێ زوممار-KDP.info- ئەڤرۆ سپێدێ پێشمەرگەیێ کوردستانێ هێرشەکا سوپایێ عیراقێ و حەشدا شەعبى ل میحوەرێ رەبیعە ژناڤبرن، دهەمان دەمدا ل میحوەرێ زوممار هەماهەنگى دناڤبەرا واندا نەمایە.

(شێرزاد نائیف)، عەقیدێ لەشکەرى دناڤ هێزێن پێشمەرگەیى دا، بۆ مالپەرێ فەرمیێ پارتى دیموکراتى کوردستان گۆت:" ئەڤرۆ هەر ئێک ژ سوپا عیراقێ و حەشدا شەعبى شکەستن لسەر دەستێ هێزێن پێشمەرگەیى دیتن، ب تایبەت ل مەحموودیە و مەخمور و ژ میحوەرێ تلسقوف هاتنە ڤەکێشان".

(شێرزاد نائیف)، راگەهاند:" وەک پێزانین گەهشتینە مە چ هەماهەنگى دناڤبەرا سوپایێ عیراقێ و حەشدا شەعبى دا ل میحوەرێ زوممار نەمایە، لێ پێشمەرگەیێ کوردستانێ د حالەتێ بەرەڤانیکرنێ دایە بۆ هەر پێشهاتەیەکێ".

هەلز عەلى  سەلیم