بەرپرسێ لقێ ئێك داخواز ژ راگەهاندكاران كر پشتەڤانییا پێشمەرگەیێ بكەن
دهۆك-kdp.info- بەرپرسێ لقێ ئێك ل بارەگایێ لقێ كومبوونەك دگەل هژمارەكا كادرێن راگەهاندكارێن پارتی ئەنجام دا كو چەند ڕوونكرنەك دانە سەر راگەهاندنێ و كارتێكرنا وێ لسەر هزر و هەستێ تاكەكەسی د جڤاكیدا و پاشان دیار كر كو د ڤی سەردەمیدا راگەهاندنێ جیهان كریە گوندەكێ دیار و بچویك كو تێدا چ تشت تێدا نهێتە ڤەشارتن و هەروەسا ئاماژە ب وێ چەندێ كر كو راگەهاندنێ رولەكێ سەرەكی د ژیانا سیاسی و ئابووری و جڤاكیدا هەیە دیسان ژبو ئاگەهدار بوون ل سەر رەوشا پێشمەرگێ هەرێما كوردستانێ ل خالێن سنوورییێن هەرێمێ بەرپرسێ لقێ ئێكێ پارتی ب سەروكاتیا شاندەكێ كویێ پێكهاتی بو ژ كارگێرێن لقێ و بەرپرسێن ناوچێن سەر ب لقێ ئێكڤە سەرا دەڤەرێن (شنگال وزمار و رەبیعە و كەسكێ و سنونێ) دا.
بەرپرسێ راگەهاندنا لقی ئێكێ پارتی (مەسعود سەرنی) بو kdp.info دیاركر، د تەوەرەكێ دی یێ كومبوونێدا بابیری بەحسێ رەوشا عیراقێ و بتایبەتییێ هەرێما كوردستانێ و ڤێ قوناغا نازك یا هەرێم تێدا دبوریت كر, هەر دیسان دیاركر كو پێشمەرگە شیایە ب ساناهی و بێ قوربانیدانەكا مەزن هەمی سنورێن هەرێما كوردستانێ بگریت ئەوێن د مادێ سەدوچلێ دەستوورێ عیراقێدا هاتین و ئالایێ كوردستانێ ل خالێن سنوری بەرز و بلند بكەت.
هەردیسان بەرپرسێ لقێ د تەوەرەكێ دیدا داخواز ژ راگەهاندكاران كر ب باشترین رێك لسەر بنیاتێ راستیێ پەیاما خو بگەهیننە خەلكی و ب هەمی رەنگان د راگەهاندنا خودا پشتەڤانیا هەستێن پێشمەرگەیی بكەن و نەبنە هاریكار بو بەلاڤكرنێن خراب و راگەهاندنەكا نەرێنی كو كارتێكرنێ بكەنە سەر هزر و هەستێ خەلكی.
بەرپرسێ راگەهاندنا لقی ئێكێ پارتی ئاشكەرا ژی كر، ژبو ئاگەهداربوون ل سەر رەوشا پێشمەرگێ هەرێما كوردستانێ ل خالێن سنورییێن هەرێمێ ئەندامێ جڤاتا سەركردایەتیا پارتی دیموكراتی كوردستان و بەرپرسێ لقێ ئێكێ پارتی (عەبدولخالق بابیری) ب سەروكاتیا شاندەكێ كویێ پێكهاتی بو ژ كارگێرێن لقێ و بەرپرسێن ناوچێن سەر ب لقێ ئێكڤە سەرا دەڤەرێن (شنگال وزمار و رەبیعە و كەسكێ و سنونێ) دا.
دڤان سەرەدانان دا بەرپرسێ لقێ چاڤ ب ژمارەكا فەرماندەو و پلەدارێن لەشكەری و پێشمەرگێن قەهرەمان كەت و ژ نێزیك ئاگەهدار بوو ل سەر رەوشا وان و چەوانیا گرتنا سنورێت هەرێما كوردستانێ و پاراستنا وان. هەروەسا بابیری د ڤان سەرەدانان دا تەكەز ل سەر خوراگریو قەهرەمانیا پێشمەرگێن كوردستانێ كر و رولێ وان د پاراستنا سنوورێت هەرێمێ و گیان و مالێن خەلكێ كوردستانێ ب بەرزو بلندی هژمارت.
بابیری گوت خەلكێ كوردستانێ ب هەمی تەخ و چینێن خوڤە و ب زاروك و مەزنڤە و ژن زەلامڤە چاڤەرێ جامێری و خوراگریا وەنەو دلێ هەمی كوردەكی د سەنگەرێن بەرەڤانیكرنێ دا دگەل وەیە.
(مەسعوود سەرنی) گوت ژی، هەروەسا عەبدولخالق بابیری دیاركر كو مەرەم ژ ڤێ سەرەدانێ ئاگەهداربوونە ل سەر رەوشا پێشمەرگەیی و سەلماندنا ئامادەییا كادرێن سنورێ لقێ ئێكە بو هەر دەلیڤەكا پێتڤی.
ژلایێ خوڤە پێشمەرگێن ل سەر خالێن سنووری خوشحالیا خو دیاركرن بڤێ سەرەدانێ و ب هەمان هەلكەفت سوپاسیا لقێ ئێكێ پارتی كر، ل دوماهیاڤان سەرەداناندا بابیری ب ناڤێ لقێ ئێكێ پارتی ئامادەیی و پشتەڤانیا خو بو هەر كارەكێ پێتڤی دیاركر.
دڵدار ئیبراهیم
