بەرپرسی لقی یەكی پارتی: پێویستە كادرانمان بۆ خزمەتكردنی خەڵك پێشەنگ بن
دهوك-kdp.info- پشتی ئەنجامدانا هەلبژارتنێن (30)ی نیسانێ بو ئەنجوومەنێن پارێزگەها و دەستنیشانكرنا سەروك و ئەندامێت نوێ بو جڤاتا پارێزگەها دهوكێ، ل بارەگایێ لقێ ئێكێ پارتی ئەندامێ جڤاتا سەركردایەتییا پارتی دیموكراتی كوردستان و بەرپرسێ لقێ ئێكێ پارتی عەبدولخالق بابیری، پێشوازی ل سەروك و ئەندامێت ئەنجوومەنێ پارێزگەها دهوكێ‌یێن كەڤن كر.
بەرپرسێ راگەهاندنا لقێ ئێكێ مەسعوود سەرنی، بوkdp.info گوتی: بەرپرسێ لقێ ئێكێ پارتی پێشوازی ل سەروك و ئەندامێت ئەنجوومەنێ پارێزگەها دهوكێ‌یێن كەڤن كر و د كومبوونی دا عەبدولخالق بابیری سوپاسییا سەروك و ئەندامێت بەرێ‌یێن ئەنجوومەنێ پارێزگەها دهوكێ كر بو كار و خزمەتا وان كری و پێشكێشی خەلكێ پارێزگەها دهوكێ كری و رولێ وان د خزمەتگوزارییان دا بو خەلكێ دەڤەرێ ب بلندی ل قەلەم دا و دیار كر د قوناغا بوری دا خزمەتەكا باش و زوور بو خەلكێ مە هاتیە كرن د هەر رویەكی دا ودیمەن و رویێ جانێ پارێزگەها دهوكێ دیدەڤان و بەلگەیە ل سەرڤێ چەندێ ئەڤەژی جهێ سەرفەرازیێ‌یە بو پارتی كو كادرێن پارتی د حكوومەتێ دا پێشەنگ بن بو خزمەتكرنا خەلكی و رازیكرنا جڤاكی. هەروەسا بابیری بو ئەندامێت پارتییێن قوناغا بوری د ئەنجوومەنێ پارێزگەهێ دا دیار كر، پشتی هەلبژارتنا ئەنجوومەنەكێ نوێ رامانا وێ ئەو نینە كودێ ژ كار و خزمەتێ دویر كەڤن بەلكو ب پشتەڤانیا لقێ ئێك د ب هەڤرا دكاركرن و خزمەتێ دا بین بو خەلكێ مە ژبەركو هین هەر جهێ باوەری و پشتبەستنا لقێ ئێكێ پارتینە.
بەرپرسێ راگەهاندنا لقێ ئێكێ ئاشكەرا ژی كر، كو بەرپرسێ لقێ خوشحالیا خو دیاركر ب سەركەفتنا پارتی د هەلبژارتنێن ئەنجوومەنێ پارێزگەها دهوكێ دا پشتی شیاین (19) كورسیكان بدەست خوڤە بینیت نەخاسمە پوستێ پارێزگار و سەروكێ جڤاتێ و هەروەسا بابیری هێڤییا سەركەفتنێ بو ئەنجوومەنێ نوی خاست و گوت ب ئانەهیا خودێ دێ دخزمەتا خەلكی دا بین و دێ تەمامكەرێن كاروانێ ئاڤەدانی و خزمەتێ بین.
مەسعوود سەرنی دیار كر ژی، كو ژلایێ خوڤە ئەندامێت بەرێ‌یێن ئەنجوومەنێ پارێزگەها دهوكێ سوپاسییا لقێ ئێكێ پارتی كر بو پشتەڤانیكرنا وان و هاریكاریا لقێ ئێك دگەهاندنا گلە و گازندێت خەلكی دا كو ئەم بڤێ رێكێ شیاین ژمارەكا زوورا كێشەیان چارەسەر بكەین و ئامادەبوویێن ناڤبری دووپات كر كو هەردەم خو ب كادرێن دلسوز و وەفادارێن رێبازا پیروزا بارزانیێ نەمر دزانن.
