لقێ 18 بیرەوەریا شورەشا گولانێ بەرز ڕاگرت
ب هەلكەفتا 38 سالیادا بەرپابوونا شورەشا 26ی گولانا نیشتیمانی و پێشكەفتن خواز نڤێسینگەها رەوشەنبیری و راگەهاندنا لقێ 18یێ پارتی دیموكراتی كوردستان سمینارەك بو بەرێز (فەریق فاروق) بەرپرسێ لقێ 18 سازكر ل هولا سەنتەرێ رەوشەنبیریێ ئامێدیێ ل روژا دووشەمبی رێكەفتی 26/5/2014 و هژمارەكا زور ژ كارگێر و كادرێن لقێ 18 و لیژنێن بسەرڤه و بەرپرس و ئەندامێن رێكخراوێن قوتابی و لاو و ئافرەتان تێدا بەرهەڤبوون.
بەرپرسێ لقێ 18 د سمینارا خودا ب درێژهی ل دور قوناغێن شوەرشا گولانێ پەیڤی و تیشك خستنە سەر كاودان و ئەگەرێن بەرپابوونا شورەشێ ب سەركردایەتیا پارتی و دەستكەفتێن ڤێ شورەشا نیشتیمانی و پێشكەفتنخوازو ب درێژەدان بو شورەشا ئیلونا مەزن وەسف كر . دیسان بەرپرسێ لقێ باس ل دەسپێكرنا ڤێ شورەشێ كر ل وی دەمێ هەستیاردا ژبو بەرەڤانیكرن ژ ئاخا كوردستانێ و مافێن گەلێن كوردستانێ لسەر رێبازا بارزانیێ نەمر كو رێبازا نەتەوایەتی و دیموكراسیەتێیە دیسان ژبو ژناڤبرنا خەونێن دوژمنان یێن دگوت ئێدی كورد سەرهلنادەن پشتی رێككەفتنا جەزائیر یا خیانەتكارانە.
رەوشا ئەڤرو یا عیراقێ ب گشتی و كوردستانێ ب تایبەتی و پروسا هەلبژارتنان و دەرئەنجام تەوەرەكێ دی یێ ڤێ سمینارێ بو.
عەلی رێكانی – قەدش
