لەقا شەش یا پارتی: دامەزراندنا بنگەهێ لالش پێویستیەكا دیرۆكی بوو
بەرلین- KDP. Info- جێگرێ بەپرسێ لەقا شەش یا پارتی ل ئۆروپا دا خوەیاكرن كو دامەرزاندنا بنگەهێ لالش پێوستیەكا دیرۆكی ژبۆ پاراستن و پێشدا برنا ئاینی و جڤاكا كوردێن ئێزدی.
فەوزی ئەسعەد جێگرێ لەقا شەش یا پارتی دیموكراتی كوردستان ل بەرلینێ، بهەلكەفتا 21- مین سالیادا دامەزراندنا بنگەهێ لالش یێ رەوشەنبیری و كۆمەلایەتی و ئەو دەزگەها ژبۆ مەدەنیكرنا جڤاكا كوردستانی بگشتی و یا كوردێن ئێزدی ب تایبەتی بگرنگی وەسف كر .
وی بەرپرسێ پارتی ل ئۆروپا ئیماژە دا هنەر و خەباتا بنگەهێ لالش ژ هەمی روویەكی ڤە و گۆت : بنگەهێ لالش ئیرۆ هەبوونا خوە چەسپاندیە و تێتە هژمارتن وەك دەستكەفتەكی بزاڤا رزگاریخوازا كوردستانێ و رۆژ بۆ رۆژێ ئەندام و لایەنگەرێن وی بنگەهی بەرەڤ زێدەبوونێ ڤەیە.
ئەسعەد ژ لایەكێ دیڤە وێرایی پیرۆزێن گەرم لهەمی ئەندام و كادر و لایەنگەرێن بنگەهێ لالش كر ل وەلات و دەرڤەیی وەلات، گۆت ژی: سەربۆرا بنگەهێ لالش – ئەلمانیا و رۆلێ وان یێ گرنگ دووپات كر ل ناڤخۆ و دەرڤەیی وەلات ژی.
تێ زانین كو بنگەهێ لالش یێ رەوشەنبیری و كۆمەلایەتی یەكەمین بنگەهێ كوردێن ئێزدی یە ل 12.05.1993 ل دهۆكێ باشوورێ كوردستانێ لسەر دەستێ كۆمەكا خەمخۆر و رەوشەنبیر و جڤاناسێن ئێزدی وب پشتەڤانیا سەرۆك بارزانی و سەركردایەتیا كوردستانی هاتە دامەزراندن و نەها پشتی 21 سالان ( 6700) ئەندام هەنە خوەدان باوەرنامێن شەشێ ئامادەیی و سەرەتر و هژمارەكا گۆڤار و رۆژنامە و پرۆگرامێن تلفزیونی ورادیۆ یێ هەنە.
هەژار مدیر
