لقێ18، رێزلێنان و سوپاسیا به‌ربژار و ته‌ڤایا ئه‌ندام و لایه‌نگرێن خوه دكه‌ت
ب ئارمانجا رێزلێنان و سوپاسیا به‌ربژارێن پارتی دیموكراتی كوردستان ژ هه‌ردوو لیستێن (213 ، 76) و سه‌ر ب لقێ 18ڤه، ئەڤرو سێشه‌مبی، لقێ 18 روونشتنه‌ك و نانخوارنه‌ك بو ته‌ڤایا ڤان به‌ربژاران به‌رهه‌ڤكر.
به‌رپرسێ نڤیسینگه‌ها ره‌وشه‌نبیری و راگه‌هاندنا لقێ 18 یێ پارتی (عه‌ونی ئه‌رتیسی) بو kdp.info گوتی، (فه‌ریق فاروق) به‌رپرسێ لقێ و هه‌ژماره‌كا كارگێران پێشوازی كر ل (محمد سعید رێكانی، نجیبه نجیب، اسماعیل قنجو، رزگار صدقی، شیلان حسن، نزار عبدالله، هشیار سعید) ، به‌ربژارێن پارتی دیموكراتی كوردستان بوون سه‌ر ب لقێ18 ڤه و به‌رپرسێ لقێ بناڤێ لقێ 18 سوپاسیا ڤان به‌ربژاران كر بو وی كارێ ئه‌نجامدای د ماوێ پروسا هه‌لبژارتنان دا و دوپات كر كو ب دیتنا وی و لقێ ئه‌و هه‌می دسه‌ركه‌فتینه چ ده‌رچوو بن یان نه و جهێ سه‌رفه‌رازی و رێزگرتنێنه ژبه‌ر كو سه‌ره‌رای زوریا به‌ربژاران ل ده‌ڤه‌رێ و ژ هه‌می ئالیان و دژواریا هه‌وا پروپاكندێ ل كوردستانێ ب گشتی و ل ده‌ڤه‌را مه ب تایبه‌تی، رێژا ده‌نگێن وان یا باش بوو و مفا گه‌هاندیه پارتا خو (پ.د.ك) و بره‌نگه‌كێ شارستانی بێ هیچ سه‌رپێچییه‌ك بو یاسا و رێنمایێن كومسیونێ و ئه‌ڤه جهێ سه‌ربلندیێ یه و خه‌مخوری و وه‌ستیانا وان لبه‌رچاڤه كو شه‌ڤ و روژ كرینه ئێك.
به‌رپرسێ ننڤیسینگه‌ها ره‌وشه‌نبیری و راگه‌هاندنا لقێ 18دیاركر ، به‌رپرسێ لقێ سوپاسیا هه‌می كارگێر و كادرێن لقێ و لیژنه و رێكخراوان و ته‌ڤایا ئه‌ندام و لایه‌نگرێن پارتی كر بو هه‌ر كاره‌كێ ئه‌نجامدای و ژ لایێ خوڤه ته‌ڤایا به‌ربژاران سوپاسیا لقێ 18 و به‌رپرسێ لقێ كر بو وێ باوه‌ریا دایێ و به‌ربژاركرین و ل دویڤدا ب هه‌می شیانان پشته‌ڤانی لێ كری و ب درێژاهیا ماوێ هه‌وا بانگه‌شێ.
ژ هه‌ژی گوتنێ یه كو دوو به‌ربژارێن سه‌ر ب لقێ 18ڤه سه‌ركه‌فتینه بو په‌رله‌مانێ ئیراقێ(نه‌جیبه نه‌جیب) به‌ربژارا پارتی ژ لیستا (213) ل سه‌رێ رێزبه‌ندا به‌ربژارێن سه‌ركه‌فتێن پارتی لسنورێ پارێزگه‌ها دهوكێ د هێت كو نێزیكی (27) هزار ده‌نگان ب ده‌ستخوڤه ئیناینه، دیسان (رزگار صدقی) به‌ربژارێ پارتی ژ لیستا (76) ئێك ژ سه‌ركه‌فتیانه ژبو ئه‌ندامه‌تیا جڤاتا پارێزگه‌هێا دهوكێ مسوگه‌ر كریه.
دلدار ئیبراهیم
