بەرپرسێ لقێ هەشتێ پارتی، ماندیبوون و پشتەڤانییا خەلكێ دەڤەرا زاخو بەرز نرخاند

بەرپرسێ لقێ 8ـێ پارتی دیموكراتی كوردستان ل زاخو (سەربەست لەزگین) سیمینارەك بو بەرپرس و كادرێن نڤیسینگەه و لێژنێن سەر ب لقێ 8 ڤە پێشكێش كر و د سمینارێ بەرپرسێ لقێ سوپاسیا كادر و خەلكێ دەڤەرا زاخو كر ژبو ماندیبوون و پشتەڤانیا وان دهەوا هەلبژارتنادا كو ڤێ دەڤەرێ ب دەنگێن خو جارەكا دی وەفاداریا خو بو پارتی سەلماند.

بەرپرسێ نڤیسینگەها رەوشەنبیری و راگەهاندنا لقێ 8 پارتی ل زاخو (شڤان شیخو) بو-kdp.info-دیار كر، دەستپێكا سیمینارێ بەرپرسێ لقێ 8ـێ پارتی سوپاسیا كادر و خەلكێ دەڤەرا زاخو كر ژبو ماندیبوون و پشتەڤانیا وان دهەوا هەلبژارتنا دا كو ڤێ دەڤەرێ ب دەنگێن خو جارەكا دی وەفاداریا خو بو پارتی سەلماند ل دیڤدا بەحسێ رەوشا سیاسی و ئابووری و سەقامگیرییا كوردستانێ و عیراقا فیدرال كر و دیار كر كو نهو هەرێما كوردستانێ خودان پێگەهەكێ سیاسی و ئابووری یێ بهێزە و رولەكێ گرنگ و كاریگەر ل سەر ئاستێ عیراقێ و دەڤەرێ دگێڕیت و ئەڤ چەندە ژی بو جهودێت سەركردایەتییا سیاسی یا كوردی و رولێ گرنگێ جەنابێ سەرۆك بارزانی ڤەگەراند.

بەرپرسێ نڤیسینگەها رەوشەنبیری و راگەهاندنا لقێ 8 گوت ژی، دتەوەرەكێ دی دا بەرپرسێ لقێ 8 روناهی بەردانە سەر رەوشا نافخویا دەڤەرا زاخو و ئەو كار و پروژە و خزمەت گوزاریێن حكوومەتا هەرێمێ ل زاخو ئەنجام ددەت و هەردیسان رەوشا رێكخستنا پارتی ل ڤێ دەڤەرێ و دیار كر كو فەرە كادرێن مە بەردەوام دناڤ بنكێن جەماوەری دا بن و گوهدارییا ئێش و ئازار و گرفتێن خەلكی بكەن و پشتەڤانیێ ل خاستێن خەلكی بكەن و كێشێن وان بگەهیننە جهێن پەیوەندیدار.