به‌رپرسێ لقێ 8: هه‌ردوو شه‌هیدێن ئێكه‌تیا قوتابیان لزاخوجهێ شانازیا مه نه
زاخو-KDP.info- لژێر جاڤدێری وئاماده‌بینا ئه‌ندامێ جڤاتا سه‌ركردایه‌تیا پارتی دیموكراتی كوردستان و به‌رپرسێ لقێ 8)سه‌ربه‌ست له‌زگین( و ب ئاماده‌بینا هه‌رێمدارێ زاخو )خه‌لیل محمود(و رێڤه‌به‌رێ په‌روه‌ردێ و هژماره‌كا به‌رپرسێن حزبی و حكومی و قوتابیان و كه‌س وكارێن هه‌ردوو شه‌هیدێن ناڤبری ل هولا لقێ رێ وره‌سمێن بیره‌وه‌ریا هه‌ردوو شه‌هیدێن (ی.ق.ك) )كوردستان سالح و رێبه‌ر مه‌لا حسێن(ب رێڤه چوو و دڤان رێ و ره‌سماندا ئه‌وا لقێ زاخو یێ (ی.ق.ك) ئاماده‌كرین و ژبلی راوه‌ستاندنا خوله‌كێ و خواندنا سورت الفاتحه لسه‌ر كیانێ شه‌هیدێن كورد و كوردستانێ و سه‌روه‌رێ وان بارزانیێ نه‌مر و كاك ئێدریسێ هه‌رده‌م ساخ چه‌ندین په‌یڤ هاته پێشكێشكرن ژلایێ به‌رپرسێ لقێ زاخو یێ (ی.ق.ك) بارزان موسته‌فا و رێڤه‌به‌رێ په‌روه‌ردا زاخو نه‌زیر یوسف ڤه وتێدا روونكرنه‌ك دانه لسه‌ر ژیانا وان دروژێن سه‌خت و دژوار دا پێخه‌مه‌ت گه‌هشتن ب ماف و ئارمانجێن گه‌لێمه.
شڤان شێخو، بەرپرسێ نڤیسینگەها رەوشەنبیری و راگەهاندنا لقێ 8 پارتی ل زاخو بوkdp.infoدیاركر،بیره‌وه‌ریا هه‌ردوو شه‌هیدێن (ی.ق.ك) )كوردستان سالح ورێبه‌ر مه‌لا حسێن(ب رێڤه چوو و دڤان رێ و ره‌سماندا ئه‌وا لقێ زاخو یێ (ی.ق.ك ) ئاماده‌كرین و دپه‌یڤا به‌رپرسێ لقێ8 بارتی دیموكراتی كوردستان دا (سه‌ربه‌ست له‌زگین) ئاماژه‌دا برولێ گرنگێ خه‌لكێ ده‌ڤه‌را زاخو وئێكه‌تیا قوتابیێن كوردستانێ دبزاڤا رزگاری خوازیا كوردستانێ دا و راگه‌هاند، كوردستان سالح و رێبه‌ر مه‌لا حسێن نه بتنێ نه كو شه‌هیدێن زاخونه دبزاڤا رزگاریا خوازیا كوردستانێ دا خوه كرینه قوربانێ دوزا ره‌وایا ملله‌تی مه به‌لكو ب سه‌دان شه‌هیدێن ڤی ده‌ڤه‌رێ هه‌نه وئه‌ڤ هه‌ردوو شه‌هیدێن ئێكه‌تیا قوتابیان نمونه‌یا وان شه‌هیدانه و جهێ شانازیا مه نه.
بەرپرسێ نڤیسینگەها رەوشەنبیری و راگەهاندنا لقێ 8 گوت ژی، هه‌ر دڤان رێ وه‌ره‌سماندا كه‌س و كارێن هه‌ردوو شه‌هیدان و رێڤه‌به‌رێن ئاماده‌یێن شه‌هید رێبه‌ر و كوردستان سالح هاتنه خه‌لاتكرن و فیلمه‌كێ دیكومه‌نتی ژی هاته نیشاندان لسه‌ر ژیانا هه‌ردوو شه‌هیدان.
هه‌ژی گوتنێ یه كو شه‌هید كوردستان سالح ژدایك بیا سالا 1958لزاخو یه و دسالا 1974 دا بده‌ستێ ره‌شه‌كێن به‌عسیا ل دهوكێ هاتیه شه‌هیدكرن و شه‌هید رێبه‌ر مه‌لا حسێن ژدایك بیێ سالا 1957لزاخو یه و دسالا 1976 دا بده‌ستێ رژێما به‌عس هاتیه ده‌سته‌سه‌ركرن وشه‌هیدكرن و هه‌ردوو شه‌هیدان روله‌كێ گرنگ و به‌رچاڤ دناڤ پارتی دیموكراتی كوردستان دا و ئێكه‌تیا قوتابیێن كوردستانێ دا هه‌بین و رێكخستنه‌كا نهینی دروستكربین و ژلایێ رژێما به‌عس ڤه هاتبینه چاڤدێریكرن و هاتینه شه‌هیدكرن.
