پوستەر و وێنێن به‌ربژاران لدهوكى هاتنه‌ راكر‌ن

دهوك-KDP.info- پشتی ب دوماهی هاتنا هەوا هەلبژارتنان باژێرڤانیا پارێزگەها دهوكێ‌ و هەڤكاری دگەل لقائێك رابون ب پاقژكرنا باژێرێ‌ دهوكێ‌ و ژێڤەكرنا پوستەر و وێنێن كاندیدان،دڤێ‌ هەوێدا (عبدالخالق بابیری) بەرپرسێ‌ لقا ئێك دگەل كادر و ئەندامێن لژنێن ناوچێن پارتی یێن سنورێن لقا ئێك پشكداری تێدا كر دپەیڤەكێدا بابیری گۆت: داكو ژینگەها كوردستانێ‌ پاقژبكەین و خو بەرپرسیار دزانین و چەوا مە بەری هەلبژارتنان شیاین ریێ‌ جوان نیشا جیهانێ‌ بدەین دڤێت ئەم سیمایێ‌ باژێرێ‌ خو جوان بكەینەڤە و دخازم هەموو خزمەتا وەلاتێ‌ خوبكەم.

دیسان (ئیسماعیل مسته‌فا)  به‌رپرسێ په‌یوه‌ندی و راگه‌هاندنا باژێرڤانییا دهۆكێ بۆ kdp.info گۆت: ل دووڤ وێ نڤسارا هاتییه‌ ئاراسته‌كرن بۆ كۆمسیۆنێ كو تێدا هاتییه‌ دیاركرن دڤێت پشتی هه‌لبژارتنان ب بۆرینا مه‌هه‌كێ هه‌موو به‌ربژار و ئالیێن سیاسی پۆسته‌ر و ریكلامێن خوه‌ ژ سه‌ر جاده‌یان راكه‌ن، ناڤهاتی گۆتژی، مه‌ بفه‌ر زانی كو پشتی هه‌لبژارتن بداوی هاتین ئه‌م وه‌كو باژێرڤانی و بهه‌ڤكاری دگه‌ل لقا ئێك یا پارتی دیمۆكراتی كوردستان و به‌ربژارێن پارتی ده‌ست بهه‌وه‌كا پاقژكرنا پۆسته‌ران بكه‌ین ل سه‌ر جاده‌یان ژبۆ هندێ كو هه‌موو به‌ربژار و ئالیێن دی یێن سیاسی هه‌ول بده‌ن ژبه‌ری مه‌هه‌ك بداوی بهێت پۆسته‌را و ریكلامێن خوه‌ ژ سه‌ر جاده‌یان راكه‌ن.

به‌رپرسێ راگه‌هاندنا باژێرڤانییا دهۆكێ دیاركرژی، هه‌ر ئالییه‌كێ پشتی بۆرینا مه‌هه‌كێ پۆسته‌رێن خوه‌ نه‌راكه‌ت دێ ب گۆژمه‌یه‌كێ دراڤی هێته‌ سزادن.