شاندەكی لەقا شەش یا پارتی بەشداری دبەهیا سەرۆكێ قەوالێن ئێزدیان دا كر

هانۆڤەر – KDP.info- ل باژارێ سەلێ ل ئەلمانیا شاندەكی لەقێ شەشێ پارتی دیموكراتی كوردستان ل ئەلمانیا كو پێكهاتی بوو ژ بەرێز خەلات شێخ موراد و هژمارەكا كادر و ئەندامێن لێژنا نافخۆیا هانۆڤەر و ئەندامێن بنكەهێ لالش یێ رەوشەنبیری و جڤاكی – ئەلمانیا و ئەندامێ لەقێ پارتی ل شێخان جەوزەل بەشیر قائیدی بەشداری د بەهیا خودێ ژێ رازی ( قەوال سلێمان سڤۆ ) سەرۆكێ قەوالێن ئێزدیان و ئەندامێ جڤاتا رۆحانیا ئێزدیان دا كر.

دوێ بەشداریێ شاندێ پارتی دیموكراتی كوردستانێ سەرەخوەشێن تەڤایا ئەندام و كادرێن سەر ب لەقێ شەشێ پارتی ڤە ل بەرلین گەهاندنا مالباتا خوەدێ ژێ رازی و هەڤخەمیا خوە بوات گەهاندن.

هێژایێ گۆتنێ یە كو قەوال سلێمان سڤۆ سەرۆكێ قەوالێن ئێزدیان لرۆژا 20.04.2014 ب ئەگەرێ نەخۆشیێ ل نەخۆشخانا ئازادی ل باژارێ دهۆكێ چوویە بەردلۆڤانیا خوەدێ . رەحمەتیێ قەۆال سلێمان كەسیاتیەكا ناڤدارا كوردێن ئێزدی بوو و هەلویست و هەبوونەكا بەرچاڤ هەبوو و بەرڤانیەكا مۆكووم هەبوو ل كوردینیا ئێزدیان و مافێ كوردێن ئێزدی.

هەژار مدیر