بەرپرسێ لقێ 1ێ پارتی ل دهوكێ: ئەگەر خەلكێ كوردستانێ بڤێت خەونا دەولەتبوونا كوردی بهێتە دی، دێ دەنگێ دەنە لیستێن پارتی
__2014_04_21_h15m32s27__BA.jpg)
دهوك- kdp.info/ بەرپرسێ لقێ 1ێ پارتی ئاماژە دا ب پروسێسا هەلبژارتنا و پشكداریكرنا خەلكێ دڤێ هەوێ دا و ئامادەبوونا وان ل بنگەهێن دەنگدانێ ب هەلویستێ نەتەوەی قەلەم دا و نە بەرهەڤبون ب دەلیڤان بو نەحزان وەسف كر و گوت: دڤێت ئەم پروژێ نەتەوەی مسوگەر بكەین لەورا دەنگدانا هەوە بو لیستێن پارتی یێن ژمارە (213) بو پەرلەمانێ ئێراقێ و (76) بو جڤاتا پارێزگەها دهوكێ و كاندیدێن وێ و سەرئێخستنا پارتی پشتەڤانیكرنە ل پروژێ دەولەتا كوردی.
پاشان ئاماژە دا ب سیاسەتا پارتی و شەفافیەتا وێ د رابردوو دا تا ئەڤروو و بەكگراوندێ وێ یێن دیروكێ و دیاركرژی ل ئایندەكێ نێزیك ژی دێ دەولەتا كوردێ ئاڤاكەین بەلێ دەنگدانا تە بو پارتی پشتەڤانیكرنە ل بەرژەوەندێن خەلكێ كودستانێ.
هەروەسا بو سەركەفتنا ڤی پروژەی لسنورێ پارێزگەها دهوكی لژنەكا مەركەزی هاتیە پێكئینان ژوانا دوو ئەندامێن مەكتەبا سیاسی وپاریزگەهێ دهوكێ و بەرپرسێن لقا و كارگیڕ و ئەندام و ئافرەت و لاو و قوتابی و ئەڤە هەمی كار دكەن برێكا كومبوونان و كۆر و سمیناران و گێڕانا ئاهەنگ و سەیرانا و دناڤا پالانا پروپاگندا هەلبژارتنان دا ل پارێزگەها دهوكێ بازنە هاتینە پێكئانێن ژبوی تاخ و گەڕەك و گوند و یان هەر چەند مالەكا بازنەك بو هاتیە پێكئینان داكو پتر بچنە دناڤا خەلكێ و پەیاما پارتی پێگەهینە هەمی خەلكێ دەڤەرێ.
یەرپرسێ لقێ 1ێ پارتی ل دهوكێ بۆ KDP.info ئاشكەرا ژی كر، كو مە وەكو پارتی پێدڤی ب خەلكی هەیە كو بچنە سەرسندوقێن دەنگدانێ ودەنگێ خوە بدە نە لیستێن پارتی ژبەركو دا پارتی وان دەستكەفتیێن نها هەی بپارێزیت و پروژێن پارتی گەشێ پێ بكەتەڤە ژلایێ ئابوری و پروژەیێن خزمەتگوزاری و گەشەكرنا ژیارا وەلاتیان دهەمێ بوارەكێ دا ویا ژ هەمیا گرنكتر كو پروژێ دەولەتبوونا كوردستانێ یە كو ئەڤەژی ێن ددەستێ سەرۆك بارزانی دا كو سەروكێ پارتی یە و ئەگەر خەلكێ كوردستانێ دڤێت ئەڤ خەونا دەولەتبوونا كوردی بهێتە دی، دێ دەنگێ دەنە هەردوو لیستێن پارتی چونكی بلا باش بزانن كو ئەڤ خەونە دێ لژێر سایا سیاسەتا حەكیمانە یا سەرۆك بارزانی بیت و، پارتی گەلەك كار بو پارێزگەها دهوكێ كرینە و دێ یا بەردەوام بیت لسەر ئەڤان پروژان بو خەلكێ پارێزگەها دهوكێ چونكی مەلبەندێ پارتی ل دهوكێ یە و خەلكەكێ دلسوز و وەفادار یێ هەی ل دهوكێ و زوربەیا هەرە مەزن موریدێن پارتی و ریبازا بارزانینە.
عەبدولخالق بابیری ئەو چەند ژی دیار كر، كو دڤان دەه روژێن دوماهیا پروپاگندا هەلبژارتناندا بەرپرسێن لقا و كارگێڕ و ئەندام و كادر و هەمی پێكڤە شوربووینە دناڤا خەلكێ دا دا كو پەیاما پارتی و پروژی َ دەولەتبونا كوردستانێ كو كلیلا وی ددەستێ سەروك بارزانی دایە بگەهینە خەلكێ پارێزگەها دهوكێ داكو خەلكێ هان بدەن بچنە سەر سندوقێن دەنگدانێ ودەنگێن خوە بدەنە لیستێن پارتی ژبو هەلبژارتنێن جڤاتا پارێزگەها دهوكێ یا ژمارە (76) و جڤاتا نوینەرێن عیراقێ یا ژمارە (213).
لدوماهیێ ناڤبری داخوازێ ژ هەمێ بەربژیرێن پارتی دكەتن كو پێگیر بن ب رێنماێن كومسیونا بلندا هەلبژارتنان و ب هێمنی و ب باشی و ب رەنگەكێ شارستانی و دیموكراتی پروپاكندا خوە بكەن و نەبنە ئەگەرێ بێزاریا خەلكێ و ب گەرمی بەشداریێ دهەلبژارتناندا بكەن و پارتا خوە سەربێخن یا خودانا هەردوو لیستێن (213) بو جڤاتا نوینەرێًن عیراقێ و(76) بو جڤاتا پارێزگەها دهوكێ.
