سه‌رۆک ئه‌شیرێن عزه‌ و به‌یات ل دیاله‌ سۆزا دا، کار ژبۆ سه‌رخستنا به‌ربژارێن پارتی یا ده‌موکراتا کوردستانێ ل دیاله‌ و به‌غدایێ بکن

بەغدا-KDP.info/ ئیرۆ سه‌رۆک ئه‌شیرێن عزه‌ و به‌یات ل پارێزگه‌ها دیاله‌ ب سه‌رۆکاتیا شێخ عه‌بدولواحد عه‌زاوی سه‌ری ل لقا پێنج یا پارتی یا ده‌موکراتا کوردستانێ ل به‌غدایێ غست و، ژبال محه‌مه‌د ئه‌مین ده‌لۆ به‌رپرسیارێ لقێ و ئیسماعیل سایه‌میر به‌ربژارێ پارتی یا ده‌موکراتا کوردستانێ ڤه‌ هاتنه‌ پێشوازیکرن.

 د هه‌گڤدیتنه‌کێ ده‌ گفتوگۆ لدور ئاوایێ به‌شداریکرنێ د پرۆسێسا ده‌نگدانێ ده‌ هاته‌ کرن و، ته‌که‌ز لسه‌ر کارکرنێ ژبۆ باشترکرنا ره‌وشا ئاسایشێ ل باژێرێن عێراقێ هاته‌ کرن. د به‌شه‌که‌ دی یا هه‌ڤدیتنێ ده‌، شاندا ناڤهاتی سۆزا وێ یه‌کێ دا، کو کار ژبۆ سه‌رخستنا به‌ربژارێن پارتی یا ده‌موکراتا کوردستانێ ل دیاله‌ و به‌غدایێ بکن.

د هه‌مبه‌ر ده‌ ژی به‌رپرسیارێ لقا پێنج یا پارتی یا ده‌موکراتا کوردستانێ ته‌که‌ز لسه‌ر وێ یه‌کێ کر، کو ئه‌شیرێن عه‌ره‌ب ل پرانیا باژێرێن عێراقێ ب به‌رده‌وامی کار ژبۆ ب هه‌ڤره‌ ژیانێ کریه‌ و، داخوازا وێ یه‌کێ کر، کو وه‌ڵاتیان ژبۆ وه‌رگرتنا کارتێن ئه‌لیکترۆنی هان بدن و، و د رۆژا ده‌نگدانێ ده‌ به‌ر ب سندۆقێن ده‌نگدانێ ڤه‌ بچن.