به‌رپرسێ لقێ 9ـێ پارتی، سه‌ركه‌فتنا لیستێن پارتی زامنێ سه‌ركه‌فتنا ئه‌زمونا هه‌رێمێ یە
ئاكرێ-KDP.info/دچارچوڤێ هه‌وا ده‌ستپێكرنا پروپاكندێن هه‌لبژارتنێن لیستا (213) یا پارتی دیموكراتی كوردستان ژبو جڤاتا نوینه‌رێن عیراقێ ولیستا (76) یا پارتی دیموكراتی كوردستان ژبو جڤاتێن پارێزگه‌هێن هه‌رێما كوردستانێ (سه‌ربه‌ست تروانشی) به‌رپرسێ لقێ نه‌هێ پارتی دیموكراتی كوردستان ل قه‌زا ئاكرێ ب ئاماده‌بونا هژماره‌كا به‌ربژێرێن پارتی ل سنورێ لقێ نه‌هێ پارتی هژماره‌كا سمینارێن جودا بو قوتابی و لاو ئافره‌تان و پێشمه‌رگێن قه‌هره‌مان و ته‌خ و چین و هژماره‌كا زورا كه‌سایه‌تی وجه‌ماوه‌رێ سنورێن لیژنێن ئاكرێ و بجێل پێشكێشكرن.
و تێدا به‌حسێ پروسا دیموكراسیێ ل هه‌رێما كوردستانێ كر كو روژ بو روژێ پێشكه‌فتنێ بخوڤه دبینیت وئاماژه ب هه‌لبژارتنێن په‌رله‌مانێ عیراقێ وجڤاتێن پارێزگه‌هێن هه‌رێمێ كر و داخوازكر وه‌لاتی ب رێژه‌كا باش ب هه‌می ته‌خ وچینێن خوڤه پشكداریێ دڤان هه‌لبژارتنان دا بكه‌ن وده‌نگێ خوبده‌نه لیستا (213) لیستا پارتی دیموكراتی كوردستان بو جڤاتا نیونه‌رێن عیراقێ و لیستا (76) لیستا جڤاتا پارێزگه‌هان و به‌ربژێرێن وان لیستان ب هه‌لبژێرن، چونكه سه‌ركه‌فتنا لیستێن پارتی دیموكراتی كوردستان زامنێ سه‌ركه‌فتنا ئه‌زمونا هه‌رێمێ وپاراستنا شه‌رعیه‌تێ وئێك رێزیا ناف مالا كوردستانی وگه‌هاندنا ملله‌تیه ب هه‌می مافان وپشته‌ڤانیا هه‌لویستێن نه‌ته‌وه‌یی یێن سه‌روك بارزانی وبه‌ره‌ڤانیكرنه ژ خوینا شه‌هیدێن كوردستانێ و هه‌می شه‌هیدێن بزاڤا رزگاری خوازا ملله‌تێ كورد.
هه‌روه‌سا راگه‌هاند ده‌نگدان بو لیستێن پارتی دیموكراتی كوردستان ده‌نگدانه بو خوشگوزه‌رانی و ئاڤه‌دانكرن و پێكڤه ژیان و پاراستنا هه‌می ده‌ستكه‌فتێن ملله‌تێ كورد و پێشكێشكرنا زێده‌تر خزمه‌تگوزاریان بو خه‌لكێ هه‌رێمێ.
