كەسوكاری سەربەرزی شەهیدانی شارباژێر پشتگیریی لە لیستەكانی 213 و 76دەكەن
كەسوكاری سەربەرزی شەهیدانی ناوچەی شارباژێژ بۆ درێژەدان بە خەباتی ڕۆلەكانیان و وەدیهاتنی سەرجەم ئاواتەكانیان، پشتگیریی خۆیان بۆ كاندید و لیستەكانی 213 و 76 پارتی دیمكراتی كوردستان دووپات دەكەنەوە .
ئەمرۆ بە ئامادەبوونی بەرپرسی لقی 21 ـی پارتی دیموكراتی كوردستان لە لیژنەی ناوچەی چوارتا كۆبوونەوەیەكی جەماوەریی بەرفراوان لەگەڵ كەسوكاری سەربەرزی شەهیدانی سنووری لیژنەی ناوچەی شارباژێر بۆ ناساندنی كاندیدەكانی لیستی 76 و 213 پارتی بەرێوە چوو . لە كۆبوونەوەكەدا بەرپرسی لقی 21 تیشكی خستە سەر خەبات و تێكۆشانی دانیشتووانی دەڤەرەكە و هەروەها ئاماژەی بە قارەمانیەتیی شەهیدانی ناوچەكەی كرد و داوای لە كەسوكاری شەهیدانیش كرد وەك درێژەپێدەری خەباتی شەهیدەكانیان و بۆ وەدیهاتنی سەرجەم ئامانج و ئاواتەكانیان، پێویستە دەنگ بە لیستەكانی پارتی بدەین.
شیلان فەرج، خوشكی شەهید پێی وایە دەنگدان بە پارتی وەفادارییە بە خوێنی شەهیدان و رێزگرتنە لە قوربانی و خەباتیان و بەفیرۆنەدانی دەسكەوتەكانیانە.
لە كۆتای كۆبونەوەكەشدا ژمارەیەك لە كاندیدەكانی هەر دوو لیستی 76 بۆ ئەنجوومەنی پارێزگای سلێمانی و 213 بۆ ئەنجوومەنی نوێنەرانی عێراق زیاتر خۆیان و ئەجێندای كاركردنی خۆیان بۆ ئامادەبووان رون كردەوە .
سلێمانی / ئارمان مەلازادە
