ل شێلادزێ بۆ پاڵپشتییا لیستێن 213 و 76 به‌رپرسێ لقێ 18 دوو سمینار گێران
__2014_04_16_h10m31s46__BA.jpg)
ل دویڤ به‌رنامێ ژورا هه‌ڵبژارتنان ل سنورێ لقێ 18 یێ پارتیا ده‌موکراتا کوردستانێ بۆ بانگه‌شه‌یا هه‌ڵبژارتنان لیژنا ناوچا شێلادزێ یا پارتی دوو سمینار بو (فه‌ریق فاروق) به‌رپرسێ لقێ 18 به‌رپرسێ ژورا هه‌لبژارتنان ب به‌رهه‌ڤبوونا د. عه‌بدولا جاسم ئه‌ندامێ په‌رله‌مانێ ئیراقێ و ئه‌یسه‌ر جه‌رجیس رێڤه‌به‌رێ ناحیا شێلادزێ و هه‌ر حه‌فت به‌ربژارێن لقێ رێکخست ل هولا سه‌نته‌رێ روشه‌نبیریێ شێلادزێ ل رۆژا سێشه‌مبی رێکه‌فتی 15/4/2014.
سمینارا ئێکێ ل ده‌مژمێر (11)ی سپێدێ هاته گێران بوو هه‌ژماره‌کا زور ژ به‌رپرسێن بنکێن حزبی و ئێکه‌تیێن قوتابی و لاو و ئافره‌ت و چه‌ند ته‌خ و چینێن دی . و ل ده‌مژمێر (3)ی ئێڤاری دووه‌م سمینار بو هه‌ڵبژارتیێن گوند و تاخان و ریسپی و که‌سایه‌تی و رێڤه‌به‌رێن داموده‌زگه‌هێن میری هاته پێشکێشکرن.
ل ده‌سپێکا هه‌ردوو سمیناران ئاماده‌بووی خوله‌که‌ک رێزگرتن بو گیانێ شه‌هیدێن کوردستانێ و سه‌رکاروانێ وان بارزانیێ نه‌مر و ئیدریسێ هه‌رده‌م ساخ ژ پییانڤه راوه‌ستان . و به‌رپرسێ لقێ د په‌یڤا خودا ل دورهه‌ر (7) به‌ربژارێن ده‌ڤه‌رێ (محمد سعید رێکانی، نه‌جیبه نه‌جیب، اسماعیل قه‌نجو رێکانی، رزگار ێدقی نێروه‌یی، شیلان حسین هێتیتێ، نزار عبدالله دوسکی، هشیار سعید ئه‌ره‌دنی) په‌یڤی و گوت: (ئه‌ڤ به‌ربژاره پشتی چه‌ندین دویڤچوونان هاتینه ده‌سنیشانکرن و بوینه جهێ باوه‌ری و ره‌زامه‌ندییا سه‌رکردایه‌تی و هه‌می ده‌زگه‌هێن پارتی، ئه‌و یان کوره شه‌هیدن یان گه‌له‌ک زه‌حمه‌تکێشایه و ده‌ربده‌ری و ئاواره‌یی دیتیه یان ل گه‌له‌گ جهان خزمه‌ت پێشکێشکریه ) دیسان گوت (ئه‌ڤ به‌ربژێره خودان شیانن و کور وکچێن ده‌ڤه‌رێنه و پتر ژ هه‌ر که‌سه‌کێ دی دێ خۆلە کێم و کاسیێن ده‌ڤه‌رێ که‌نه خودان و ژبۆ به‌رژه‌وه‌ندیێن کوردستانێ دێ خه‌مخور و به‌ره‌ڤا‌نکه‌ربن له‌وما لروژا ده‌نگدانێ پێتڤییه ئه‌م هه‌می ده‌نگێ خو بده‌ینێ و ب هه‌می شیانان هه‌وڵبده‌ین ده‌نگا بو کومکه‌ین و سه‌ربێخین) . هه‌روه‌سان گوت:- (ئه‌گه‌ر ئه‌م هه‌می ئێک ده‌ست بین دێ هه‌ردوویێن په‌رله‌مانێ ئیراقێ سه‌رئێخین و دیسان رێژا مه‌لە ئه‌نجومه‌نێ پارێزگه‌هێ ژی دێ یا باش بێت و فه‌ره ئه‌م وه‌ک پارتی ده‌نگ بده‌ین و بێژین ئه‌ڤه به‌ربژارێن پارتینه و هه‌ر پارتی بویه به‌ره‌ڤانی ژ ڤی میلله‌تی کری و هه‌رده‌مێ پارتی یا بهێز کوردستان یا بهێزه).
د به‌رده‌وامیا سمینارێدا فه‌ریق فاروق گوت:- (من باوه‌ره هوین هه‌می دێ ده‌نگێ خو ده‌نه هه‌ردوو لیستێن پارتی و ڤان حه‌فت به‌ربژێرێن ده‌ڤه‌رێ و وه‌ک جارا دی دێ سه‌رکردایه‌تیا پارتیا مه سوپاسیا مه و هه‌وه که‌ت، ده‌نگدان یا ئاسانه به‌لێ بهایێ ڤی ده‌نگی گه‌له‌که و پێتڤییه ئه‌م بده‌ینه وێ لیستێ و وی کاندیدی یێ ژ هه‌ژی و بێ گومان هه‌ر پارتیه هه‌ژی ڤی ده‌نگی، له‌ما هه‌ر که‌سێ تا نوکه کارتا ئه‌لکترونی یا ده‌نگدانێ نه‌وه‌رگرتبیت هیڤیدارین سه‌ره‌دانا بنگه‌هێن کومسیونێ بکه‌ت بو وه‌رگرتنێ ئه‌گه‌ر نه دێ بێ به‌هر بیت ژ مافێ ده‌نگدانێ.)
و ل داویێ ڤان به‌ربژێرێن ناڤێن وان ل خارێ خو بو جه‌ماوه‌ری دا نیاسین و به‌رنامێ خو بو دیارکر و سوزدا هه‌می شیانان بمه‌زێخن ژبو خزمه‌تا کوردستانێ ب گشتی و ده‌ڤه‌را ئامێدیێ ب تایبه‌تی:-
1- (محمد سعید شکری ملا سعید رێکانی)، ژماره (21)، لیستا ژماره (213).
2-نه‌جیبه نه‌جیب ابراهیم، ژماره (22)، لیستا ژماره (213).
3- (اسماعیل قه‌نجو عبدالجبار رێکانی)، ژماره (6)، لیستا ژماره (76).
4- (رزگار ێدقی شکر محمد نێروه‌یی)، ژماره (20)، لیستا ژماره (76).
5- شیلان حسین عزیز علی هێتیتێ، ژماره (34)، لیستا ژماره (76).
6- (نزار عبدالله مراد ابراهیم دوسکی)، ژماره (38)، لیستا ژماره(76).
7- (هشیار سعید عبدی ئه‌ره‌دنی)، ژماره (45)،لیستا ژماره (76).
عه‌لی رێکانی – قه‌دش
