سۆران... بارەگای لیژنەی ناوچەی گۆڕەز كرایەوە

سۆران- KDP.info/بە ئامادەبوونی كاكەمین نەجار بەرپرسی سركردایەتیی ئەنجوومەنی پارێزگای هەولێر و دكتۆر عەلی تەتەر بەرپرسی یەكەمی میحوەری سۆران و بەرپرسی لقی10 و سەرجەم پەرلەمانتارانی لیستی پارتی لە ناوچەكە و كاندیدەكانی هەردوو لیستی 213 و 76ـی پارتی دیموكراتی كوردستان و كادیر و ئەندامانی حزبی و جەماوەرێكی زۆری سنووری ئەو لیژنە ناوچەیە، بارەگای ناوچەی گۆڕەز كرایەوە.

سەرەتای مەراسیم بە سروودی نیشتیمانی و خولەكێك وەستان بۆ شەهیدان و دواتر لەلایەن موحسین سەدیق بەرپرسی ناوچەی گۆڕەز وتاری بەخێرهاتن خوێندرایەوە، پاشان لەلایەن كاكەمین نەجار بەرپرسی ئەنجوومەنی سەركردایەتیی پارێزگای هەولێر باس لە رۆڵی پارتی دیموكراتی كوردستان و بەرفراوانی رێكخستنی حزبی، بەهۆی زیادبوونی رێژەی ئەندامان و بەرفراوانی قەوارەی سیاسیی پارتی دیموكراتی كوردستان، جەماوەر بارەگای زیاتر دەخوازی. هەروەها باسی لە ئەهمیەتی ئەو هەڵبژاردنە كردو گرنگی سەركەوتنی هەردوو لیستی 213ی ئەنجوومەنی نوێنەرانی عێراق و 76ی ئەنجوومەنی پاێزگاكانی بۆ ئامادەبووان شی كردەوە. هەر لە مەراسیمی كردنەوەی بارەگای ناوچە ئەندامانی كاندید بۆ هەردوو لیست خۆیان بە ئامادەبووان ناساند و جەختیان لە بەڵێنەكانیان كردەوە، هەبۆیەش داوایان لە ئامادەبووان كرد كە متمانەی خۆیانیان پێ ببەخشن.

لە كۆتایی مەراسیمەكەدا لەلایەن ئامادەبووان بە چەپلەرێزان خۆشیی خۆیان بۆ سەرخستنی هەردوو لیست دەربڕی.

ئیسماعیل گوندەژۆری