به‌رپرسێ لقێ 18، ده‌نگدان یا ئاسانه به‌لێ بهایێ ڤی ده‌نگی گه‌له‌كه و هه‌ر پارتیه هه‌ژی ڤی ده‌نگییه
ئامیدیی-KDP.info/ژبو هاندانا جه‌ماوه‌رێ كومه‌لگه‌ها قه‌دش و كوندێن ده‌وروبه‌ران بو پالپشتیا هه‌ردوو لیستێن (76) و (213) یێن پارتیا ده‌موكراتا كوردستانێ و هه‌ر حه‌فت به‌ربژێرێن ده‌ڤه‌رێ، لیژنا ناوچا سه‌رسنك یا پارتی سمیناره‌ك بو هێژا (فه‌ریق فاروق) به‌رپرسێ لقێ 18 یێ (پ.د.ك) رێكخست.
جه‌ماوه‌ره‌كێ زور ژ ته‌خ و چینێن جودا یێن ده‌ڤه‌رێ و (موسا كێسته‌یی) سه‌رپه‌رشتێ میحوه‌رێ سه‌رسنك بو هه‌وا هه‌لبژارتنان و (عه‌گید شه‌فیق ) به‌رپرسێ لیژنا ناوچا سه‌رسنك یا پارتی و به‌ربژارێن ده‌ڤه‌رێ به‌رهه‌ڤی ڤێ سمینارێ بون، ل ده‌سپێكێ به‌رهه‌ڤبووی خوله‌كه‌ك رێزگرتن بو گیانێ شه‌هیدێن كوردستانێ و سه‌ركاروانێ وان بارزانیێ نه‌مر و ئیدریسێ هه‌رده‌م ساخ ژ پییانڤه راوه‌ستان و ژلایێ به‌رپرسێ لیژنێ ڤه خێرهاتن پێ هاتكرن.
به‌رپرسێ لقێ د په‌یڤا خودا په‌سنا شیانێن به‌ربژارێن ده‌ڤه‌رێ كر و گوت: (ئه‌ڤ به‌ربژاره پشتی چه‌ندین دووڤچوون و ڤه‌كولینان هاتینه ده‌سنیشانكرن و بوینه جهێ باوه‌ری و ره‌زامه‌ندییا سه‌ركردایه‌تی و هه‌می ده‌زگه‌هێن پارتی، ئه‌و یان كوره شه‌هیدن یان گه‌له‌ك زه‌حمه‌تكێشایه و ده‌ربده‌ری و ئاواره‌یی دیتیه یان ل گه‌له‌گ جهان خزمه‌ت پێشكێشكریه و یا ژ هه‌میان گرنگتر ئه‌و خودان شیان و كور وكچێن ده‌ڤه‌رێنه و پتر ژ هه‌ر كه‌سه‌كێ دی دێ خو ل ئێش و ئازار و كێم و كاسیێن ده‌ڤه‌رێ كه‌نه خودان و من باوه‌ره دێ ل هه‌ر جهێ لێ بن ژبو به‌رژه‌وه‌ندیێن كوردستانێ خه‌مخور و به‌ره‌ڤا‌نكه‌ربن له‌وما فه‌ره ل 30/4ئه‌م هه‌می ده‌نگێ خو بده‌ینێ و ب هه‌می شیانان بو وێ روژێ كاربكه‌ین داكو ڤان كاندیدێن خو سه‌ربێخین و ئه‌گه‌ر ئه‌م هه‌می ئێك ده‌ست بین دێ هه‌ردوویێن په‌رله‌مانێ ئیراقێ سه‌رئێخین و دیسان رێژا مه ل ئه‌نجومه‌نێ پارێزگه‌هێ ژی دێ یا باش بیت كو ڤێ جارێ دێ ئه‌نجومه‌نه‌كێ كارا و خودان ده‌سهه‌لات و بریاربیت.
هه‌روه‌سان به‌رپرسێ لقێ گوت فه‌ره ئه‌م وه‌ك پارتی ده‌نگ بده‌ین و بێژین ئه‌ڤه به‌ربژارێن پارتینه و بیر ل عه‌شیره‌تگه‌ری و گونداتی نه‌كه‌ین ژبه‌ركو پارتی ڤان هه‌میان ڤه‌دگریت و ئه‌م پارتینه و هه‌ر پارتی بویه به‌ره‌ڤانی ژ ڤی میلله‌تی كری و هه‌رده‌مێ پارتی یا بهێز كوردستان یا بهێزه.
د به‌رده‌وامیا سمینارێدا فه‌ریق فاروق گوت من باوه‌ره هوین هه‌می دێ ده‌نگێ خو ده‌نه هه‌ردوو لیستێن پارتی و ڤان حه‌فت به‌ربژێرێن ده‌ڤه‌رێ و وه‌ك جارا دی دێ سه‌كردایتیا پارتیا مه سوپاسیا مه و هه‌وه كه‌ت، ده‌نگدان یا ئاسانه به‌لێ بهایێ ڤی ده‌نگی گه‌له‌كه و پێتڤییه ئه‌م بده‌ینه وێ لیستێ و وی كاندیدی یێ ژ هه‌ژی و بێ گومان هه‌ر پارتیه هه‌ژی ڤی ده‌نگی، له‌ما هه‌ر كه‌سێ تا نوكه كارتا ئه‌لكترونی یا ده‌نگدانێ نه‌وه‌رگرتبیت هیڤیدارین سه‌ره‌دانا بنگه‌هێن كومسیونێ بكه‌ت بو وه‌رگرتنێ ئه‌گه‌ر نه دێ بێ به‌هر بیت ژ مافێ ده‌نگدانێ.
و ل داویێ ڤان به‌ربژێرێن ناڤێن وان ل خارێ خو بو جه‌ماوه‌ری دا نیاسین و به‌رنامێ خو بو دیاركر و سوزدا هه‌می شیانان بمه‌زێخن ژبو خزمه‌تا كوردستانێ ب گشتی و ده‌ڤه‌را ئامێدیێ ب تایبه‌تی:
1محمد سعید شكری ملا سعید) ناسیار ب محمد سعید مێزی- رێكانی )،لیستا ژماره (213) بو جڤاتا نوونه‌رێن ئیراقا فیدرال و هه‌ژمارا وی (21) ه.
2- (نجیبه نجیب ابراهیم )، لیستا ژماره (213) بو جڤاتا نوونه‌رێن ئیراقا فیدرال و هه‌ژمارا وێ (22)یه.
3-(اسماعیل قه‌نجو عبدالجبار رێكانی) كورێ پێشمه‌رگه و كه‌سایه‌تیێ ناڤدار (قه‌نجو رێكانی) یه، لیستا ژماره (76) بو جڤاتا پارێزگه‌ها دهوك و هه‌ژمارا وی (6)ه.
4- (رزگار صدقی شكر محمد نێروه‌یی)، نه‌ڤیێ شه‌هیدێ ناڤدار (محمد هێشه‌تی)یه، لیستا ژماره (76) بو جڤاتا پارێزگه‌ها دهوك و هه‌ژمارا وی (20)ه.
5- (شیلان حسین عزیز علی هێتیتێ )، لیستا ژماره (76) بو جڤاتا پارێزگه‌ها دهوك و هه‌ژمارا وێ (34)ه.
6- (نزار عبدالله مراد ابراهیم دوسكی) خه‌لكێ گوندێ ( چـێ ) یه، لیستا ژماره(76) بو جڤاتا پارێزگه‌ها دهوك و هه‌ژمارا وی (38) ه.
7-( هشیار سعید عبدی ئه‌ره‌دنی)، لیستا ژماره (76) بو جڤاتا پارێزگه‌ها دهوك و هه‌ژمارا وی (45)ه.
