زانایێن ئیسلامی ومامۆستایین ئامێدیێ بشته‌ڤانیا خو بو لیستێن 213 و 76 یێن پارتی دیار دكه‌ن
ئامێدیێ-KDP.info/ئه‌ڤرۆ )فه‌ریق فاروق) به‌رپرسێ لقێ هه‌ژده یێ پارتی دیمۆكراتی كوردستان پێشوازی ل هه‌ردوو لیژنێن ئامێدیێ و سه‌رسنكێ یێن ئێكه‌تیا زانایێن ئیسلامی كر. د ڤێ هه‌ڤدیتنێ دا به‌رپرسێ لقێ ل سه‌ر ره‌وشا ده‌ڤه‌رێ و عێراقێ ب درێژی ئاخڤت و گرنگیا هه‌ماهنگیا جڤاكی و پێكڤه‌ژیانێ ل كوردستانێ شرۆڤه‌كر و بۆ دابینكرنا ئێمناهی و ته‌ناهیێ ل ده‌ڤه‌رێ پارتی دیمۆكراتی كوردستان هه‌می شیانێن خۆ دمه‌زێخیت دا كوردستان ئارام و ئاڤه‌دان بیت، هه‌روه‌سا به‌حسێ هه‌وا هه‌لبژارتنان كر و داخاز ل زانایێن ئیسلامی كر كو رۆلێ خۆ بگێرن و وه‌لاتیان هان ب ده‌ن بۆ پشكداریكرنێ د پرۆسا هه‌لبژارتنان دا كرو گوت ژی: رۆلێ زانایێن ئیسلامی د ناڤ جڤاكێ دا گه‌له‌ك یێ گرنگه و پارتی دیمۆكراتی كوردستان رێزه‌كا تایبه‌ت بۆ زانایێن ئیسلامی هه‌یه.
ژ لایێ خۆڤه زانایێن ئیسلامی سوپاسیا لقێ هه‌ژده و به‌رپرسێن پارتی كرن بۆ گرنگی پێدانا ئه‌و بۆ زانایێن ئیسلامی دكه‌ن و ژ لایێ خۆڤه ئه‌و خه‌مساریێ ناكه‌ن بۆ هاندانا وه‌لاتیان بۆ پشكداری كرن د پرۆسا هه‌لبژارتنان دا.
هه‌ر ئه‌ڤرۆ ل باره‌گایێ لقێ هه‌ژده یێ پارتی دیمۆكراتی كوردستان )فه‌ریق فاروق(به‌رپرسێ لقێ كومبوونه‌ك د گه‌ل به‌رپرسێن رێكخراوێن ماموستایێن ل سنوورێ لقێ هه‌ژده ئه‌نجامدا و دڤێ كومبوونێ دا به‌رپرسێ لقێ ل سه‌ر ره‌وشا هه‌وا هه‌لبژارتنان ل هه‌رێما كوردستانێ و عێراقێ ب گشتی و یا هه‌رێما كوردستانێ ب تایبه‌ت ئاخڤت و گرنگیا ڤان هه‌لبژارتنان بۆ مه وه‌ك كورد و پارتی چونكه ئه‌ڤ هه‌لبژارتنه دێ چاره‌نڤیسێ هه‌رێما مه دیاركه‌ن ژبه‌رهندێ فه‌ره هه‌ر وه‌لاتیه‌ك بچیته ده‌نگدانێ و ده‌نگێ خۆ بده‌ن لیستا (213)و لیستا (76)یێن پارتی دیمۆكراتی كوردستان.
هه‌روه‌سا داخاز ژ به‌رپرسێن رێكخراوێن ئێكه‌تیا مامۆستایان كر ب رۆلێ خۆ راببن و پێكڤه بچنه سه‌ر سندوقێن ده‌نگدانێ. ژ لایێ خۆڤه مامۆستایان پشته‌ڤانیا خۆ بۆ پارتی دیمۆكراتی كوردستان و رێبازا بارزانیێ نه‌مر دووپات كرن.
دڵدار ئیبراهیم
