به‌رپرسێ لقێ 9ێ:ده‌نگدان بو لیستێن پارتی ده‌نگدانه بو ئاڤه‌دانكرن و پێكڤه ژیان و پاراستنا هه‌می ده‌ستكه‌فتێن ملله‌تێ كورد
ئاكرێ-KDP.info/ دچارچوڤێ هه‌وا ده‌ستپێكرنا پروپاكندێن هه‌لبژارتنێن په‌رله‌مانێ عیراقێ وجڤاتێن پارێزگه‌هێن هه‌رێما كوردستانێ (سه‌ربه‌ست تروانشی) به‌رپرسێ لقێ نه‌هێ پارتی دیموركاتی كوردستان ل قه‌زا ئاكرێ ب ئاماده‌بونا هژماره‌كا به‌ربژێرێن پارتی ل سنورێ لقێ نه‌هێ پارتی چوار سمینارێن جودا بو ته‌خ و چین و هژماره‌كا زورا كه‌سایه‌تی وجه‌ماوه‌رێ ده‌ڤه‌را ئاكرێ پێشكێشكرن.
و د وان سمیناران دا به‌رپرسێ لقێ نه‌هێ پارتی به‌حسێ پروسا دیموكراسیێ ل هه‌رێما كوردستانێ كر كو روژ بو روژێ پێشكه‌فتنێ بخوڤه دبینیت وئاماژه ب هه‌لبژارتنێن په‌رله‌مانێ عیراقێ وجڤاتێن پارێزگه‌هێن هه‌رێمێ كروداخوازكر وه‌لاتی ب رێژه‌كا باش ب هه‌می ته‌خ وچینێن خوڤه پشكداریێ دڤان هه‌لبژارتنان دا بكه‌ن وده‌نگێ خوبده‌نه لیستا (213) لیستا پارتی دیموكراتی كوردستان بو جڤاتا نیونه‌رێن عیراقێ و لیستا (76) لیستا جڤاتا پارێزگه‌هان و به‌ربژێرێن وان لیستان، چونكه سه‌ركه‌فتنا لیستێن پارتی زامنێ سه‌ركه‌فتنا ئه‌زمونا هه‌رێمێ وپاراستنا شه‌رعیه‌تێ وئێك رێزیا ناف مالا كوردستانی وگه‌هاندنا ملله‌تیه ب هه‌می مافان وپشته‌ڤانیا هه‌لویستێن نه‌ته‌وه‌یی یێن سه‌روك بارزانی وبه‌ره‌ڤانیكرنه ژ خوینا شه‌هیدێن كوردستانێ چونكه داكوهه‌می بیاڤێن ژیانێ پێشڤه بچن هه‌روه‌سا راگه‌هاند ده‌نگدان بو لیستێن پارتی دیموكراتی كوردستان ده‌نگدانه بو خوشگوزه‌رانی و ئاڤه‌دانكرن و پێكڤه ژیان و پاراتسنا هه‌می ده‌ستكه‌فتێن ملله‌تێ كورد.
