كه‌سایه‌تی و گه‌نجێن گوندێ ته‌لوه پشته‌ڤانیا خو بو لیستێن (213)و(76) و به‌ربژێرێن پارتی دیار كر
دهوك-KDP.info/ ئه‌ڤرو ل باره‌گایێ لقێ ئێكێ پارتی دیموكراتی كوردستان به‌رپرسێ لقێ ئێكێ پارتی و ئه‌ندامێ جڤاتا سه‌ركردایه‌تیا پارتی(عه‌بدولخالق بابیری) پێشوازیا شانده‌كێ ری سپی و كه‌سایه‌تی و گه‌نجێن گوندێ ته‌لوه كر.
د روینشتنه‌كێدا پشتی بخێرهاتنا شاندێ مێهڤان به‌رپرسێ لقێ ئێك خوشحالیا خو دیار كر ب سه‌ره‌دانێ و گوت باره‌گایێ لقێ ئێك مالا هه‌می ته‌خ و چینێن جڤاكی یه و خزمه‌تكارا خه‌لكێ خویی.
هه‌روه‌سا به‌رپرسێ لقێ گوت: دڤێت ئه‌م هه‌می ب ئه‌ركێ خو رابین و كاربكه‌ین بو هه‌ردوو لیستێن (213)و(76) یێن پارتی و به‌ربژێرێن وێ و به‌رپرسێ لقێ دیار كر پارتی ب خه‌لكێ خو شانازه و گه‌رما جه‌ماوه‌رێ خویه ب هه‌می گوند عه‌شیره‌تێن ده‌ڤه‌رێ ڤه.
ژلایێ خوڤه نوینه‌رێ به‌رهه‌ڤبوویان ئیبراهیم ته‌لوه‌یی سوپاسیا لقێ ئێك كر بو پشته‌ڤانیكرنا وان هه‌روه‌سا دیار كر كو مه‌ره‌م ژ سه‌ره‌ردانێ نویكرنا سوزێیه بو رێبازا بارزانی و پشته‌ڤانیا خو بو هه‌ردوو لیستێن پارتی (213)و(76) و به‌ربژێرێن پارتی دیار كر.
ل دویماهیێ به‌رپرسێ لقێ پشته‌ڤانی و هاریكاریا خو بو شاندێ مێهڤان و هه‌ر كاره‌كێ پێدڤی دیار كر.
