عه‌لی عه‌ونی، داخاز ژ خه‌لكێ گوندێن مه‌سیحیان كر كو پشته‌ڤانبن بو به‌ربژێرا لیستا ژماره (306) بو جڤاتا نوینه‌رێن عیراقێ
شیخان-KDP.info/ به‌رپرسێ لقێ بیستێ پارتی دیموكراتی كوردستان ل قه‌زا شێخان داخاز ژ خه‌لكێ گوندێن مه‌سیحیان كر كو پشته‌ڤانبن بو به‌ربژێرا لیستا ژماره سێ سه‌د و شه‌ش خانم لارا یوسف بو جڤاتا نوینه‌رێن عیراقێ.
ژبو پشته‌ڤانیكرنا به‌ربژێرێن پارتی دیموكراتی كوردستان بو هه‌لبژارتنێن جڤاتا نوینه‌رێن عیراقێ و لیستا (306) یا پارتی ئه‌ڤرو ل سنورێ قه‌زا شێخان ب به‌رهه‌ڤبوونا هژماره‌كا كارگێر و كادرێن لقێ 20 یێ پارتی دیموكراتی كوردستان وژبو پشته‌ڤانیكرنا به‌ربژێرێن كوتا یێن پێكهاتێن ئاشوری و كلدانیان ل سنورێ قه‌زا شێخان ئه‌ڤرو (عه‌لی عه‌ونی) به‌رپرسێ لقێ بیستێ پارتی دیموكراتی كوردستان ل قه‌زا شێخان دگه‌لدا به‌رپرس و كارگێرێن لیژنا ناوچا ئه‌تروش یا پارتی دیموكراتی كوردستان و خانم (لارا یوسف) به‌ربژێرا لیستا شلاما یا (306) بو جڤاتا نوینه‌رێن عیراقێ سه‌را هژماره‌كا خێزانێن گوندێن تله و هه‌رماش و ئازه‌خێ دان و ژ نێزیك لسه‌ر ره‌وشا ژین و ژیارا خه‌لكێ وان گوندان ئاگه‌هداربوون.
به‌رپرسێ لقێ بیستێ پارتی دیموكراتی كوردستان ل قه‌زا شێخان داخاز ژ خه‌لكێ وان گوندێن مه‌سیحیان كر كو پشته‌ڤانبن بو به‌ربژێرا لیستا ژماره سێ سه‌د و شه‌ش خانم لارا یوسف بو جڤاتا نوینه‌رێن عیراقێ و ژلایێ خوڤه وان خێزانان دلخوشیا خو ب سه‌ره‌دانا شاندێ ناڤبری و پشته‌ڤانیا خانم (لارا یوسف) دیاركر.
