ئاهه‌نگا دانه‌ناسینا كاندیدێن (پ.د.ك) ل سنورێ لقێ 18 و ده‌سپێكا بانگه‌شه‌یا هه‌لبژاردنان هاته گێران
ل ژێر چاڤدێریا هێژا (فه‌ریق فاروق) به‌رپرسێ ژورا هه‌لبژاردنان ل ده‌ڤه‌را ئامێدیێ و به‌رپرسێ لقێ 18 یێ پارتی دیموكراتی كوردستان، ژبو راگه‌هاندنا ده‌سپێكا بانگه‌شه‌یا هه‌لبژاردنان و دانه‌ناسینا كاندیدێن (پ.د.ك) ل سنورێ لقێ 18 لسه‌ر لیستا ژماره (213) بو په‌رله‌مانێ ئیراقێ و لیستا ژماره (76) بو جڤاتێن پارێزگه‌هان، نڤێسینگه‌ها راگه‌هاندن و روشه‌نبیری یا لقێ 18 ئاهه‌نگه‌ك سازكر ل هولا بێناتا – كومه‌لگه‌ها قه‌دش ل ده‌مژمێر (3)ی پشتی نیڤرویا روژا پێنجشه‌مبی رێكه‌فتی 3/4/2013.
ب به‌رهه‌ڤبوونا به‌رپرس و رێڤه‌به‌رێن داموده‌زگه‌هێن میری و حزبی و له‌شكه‌ری وكارگێر و كادرێن لقێ و ریهسپی و كه‌سایه‌تیێن ده‌ڤه‌رێ و جه‌ماوه‌ره‌كێ ئێكجار زور ژ ته‌خ و چینێن جودا، ب خوله‌كه‌ك رێزگرتن بو گیانێ شه‌هیدان و سه‌ركاروانێ وان بارزانیێ نه‌مر و ئیدریسێ هه‌رده‌م ئاهه‌نگێ ده‌سپێكر.
ل دووڤدا به‌ربژار هاتن ناساندن و ژ لایێ به‌رپرسێ لقێ ڤه شالێن نه‌خشاندی ب ئارمێ پارتی ل سه‌ر ملێن وان هاتن دانان. و د په‌یڤه‌كێدا به‌رپرسێ لقێ ته‌كه‌ز كر كو ئه‌و هه‌ڤالێن هاتین ده‌سنیشانكرن بو پالێوراویا هه‌ردوو لیستا ل ئاستێ وی جهی و كارینه له‌وا بوینه جهێ باوه‌ریا لقێ و سه‌ركردایه‌تیێ و بێ گومان ئه‌و هه‌می دێ بنه جهێ باوه‌ریا خه‌لكێ مه ل روژا ده‌نگدانێ، دیسان گوت ئه‌و به‌ربژێر هه‌ر خویشك و برایێن هه‌ونه و دێ هه‌می شیانان مه‌زێخن بو خزمه‌تكرنا كوردستانێ بگشتی و ڤێ ده‌ڤه‌رێ ب تایبه‌تی، هه‌روه‌سان گوت ده‌نگدانا هه‌وه بو پالێوراوێن پارتی پیروزترین ئه‌رك و خه‌باته هوین ئه‌نجام بده‌ن و مه‌زنترین وه‌فاداریه بو خوینا شه‌هیدان و خوراگریا پێشمه‌رگه‌ی و هه‌ڤالێن مه یێن كه‌تینه د زیندانان دا و ده‌ربه‌ده‌‌ر بووین.
و ب سترانێن چه‌ند هونه‌رمه‌ندێن ده‌ڤه‌رێ ئاهه‌نگ ب دوماهی هات.
ژ هه‌ژی گووتنێیه كو ئه‌و به‌ربژارێن هاتینه پێشكێشكرن و دانه‌نیاسین دڤێ ئاهه‌نگێدا ئه‌ڤێن ل خوارێ بوون:-
1 - محمد سعید ریكانی - به‌ربژێرێ (پ.د.ك) ل سه‌ر لیستا ژماره (213) بو جڤاتا په‌رله‌مانێ ئیراقێ و هه‌ژمارا وی (21) ه.
2 - نجیبه نجیب ابراهیم - به‌ربژێرا (پ.د.ك) ل سه‌ر لیستا ژماره (213) بو په‌رله‌مانێ ئیراقێ و هه‌ژمارا وێ (22)یه.
3 - اسماعیل قه‌نجو عبدالجبار رێكانی - به‌ربژێرێ (پ.د.ك) ل سه‌ر لیستا ژماره (76) بو جڤاتا پارێزگه‌ها دهوك و هه‌ژمارا وی (6)ه.
4 - رزگار صدقی شكر محمد نێروه‌یی - به‌ربژێرێ (پ.د.ك) ل سه‌ر لیستا ژماره (76) بو جڤاتا پارێزگه‌ها دهوك و هه‌ژمارا وی (20)ه.
5 - شیلان حسین عزیز علی هێتیتێ - به‌ربژێرا (پ.د.ك) ل سه‌ر لیستا ژماره (76) بو جڤاتا پارێزگه‌ها دهوك و هه‌ژمارا وێ (34)ه.
6 - نزار عبدالله مراد ابراهیم دوسكی - به‌ربژێرێ (پ.د.ك) ل سه‌ر لیستا ژماره(76) بو جڤاتا پارێزگه‌ها دهوك و هه‌ژمارا وی (38) ه.
7 - هشیار سعید عبدی ئه‌ره‌دنی - به‌ربژێرێ (پ.د.ك) ل سه‌ر لیستا ژماره (76) بو جڤاتا پارێزگه‌ها دهوك و هه‌ژمارا وی (45)ه.
عه‌لی رێكانی – قه‌دش
