به‌رپرسێ لقێ 1 پارتی، كاندیدێن پارتی دڤێت ببنه نمونه‌كا گه‌شا دیموكراتیێ ل سه‌رانسه‌ری هه‌رێما كوردستانێ و عیراقێ
دهوك- KDP.info/ پشتی ده‌ستپێكرنا هه‌وا پروپاكندا هه‌لبژارتنان ئه‌ڤرو عه‌بدولخالق بابیری به‌رپرسێ لقێ ئێك ل هولا لقێ ئێكێ پارتی دیموكراتی كوردستان دگه‌ل به‌ربژێرێن پارتی بو په‌رله‌مانێ عیراقێ و جڤاتا پارێزگه‌ها دهوكێ كومبوو.
مەسعود سەرنی بەرپرسێ راگەهاندن ورەوشەنبیریا لقی 1 بو kdp.infoدیاركر، ل ده‌ستپێكا كومبوونێ به‌رپرسێ لقێ ئێك پیروزباهی ل به‌ربژێرێن پارتی كر بو هه‌لبژارتنان و داخوازا سه‌ركه‌فتێ بو خواست و د په‌یڤه‌كێ دا گوت : لقێ ئێك باوه‌ری ب كه‌سایه‌تی و شیانێن هه‌وه هه‌نه له‌وما بێی دوو دلی هوین به‌ربژێر كرینه بو په‌رله‌مانێ عیراقێ و جڤاتا پارێزگه‌هێ.
هەروەسابەرپرسێ راگەهاندن ورەوشەنبیریا لقی 1گوت، هه‌روه‌سا داخواز ژ به‌ربژێران كر كو پروپاكندا خو ل سه‌ر بنیاتێن دروست و شارستانی و ل دویف رێنمایێن كومسیونا بلندا سه‌ربه‌خویا هه‌لبژارتنان بكه‌ن و دویر بن ژ شاشیان و كرێت كرنا رویێ دیموكراتی و ئازادیێ نه‌خاسـمه كاندێن پارتی دڤێت ببنه نمونه‌كا گه‌شا دیموكراتیێ ل سه‌رانسه‌ری هه‌رێما كوردستانێ و عیراقێ چونكه خه‌لك پارتی ب نمونه‌كا پاقژ و ئازادیێ دزانیت.
هه‌روه‌سا مەسعود سەرنی ئاشكەرا ژی كر،د درێژاهیا په‌یڤا خودا عه‌بدولخالق بابیری بو هه‌می به‌ربژێران دیار كر كو لقێ ئێك ب هه‌می هێز و شیانان دێ پشته‌ڤانیا لیست و كاندیدێن خو كه‌ت بو سه‌رئێخستنا وان د پروسێسا هه‌لبژارتنان دا.
ل دویماهیێ عه‌بدولخالق بابیری پشته‌ڤانی و هاریكاریا خو بو هه‌میا دیار كر كو ل دویماهیا ڤێ هه‌یڤێ ل سیهی چوار هه‌لبژارتن دێ هێنه ئه‌نجام دان.
