ل سنورێ لقێ1، دوماهیك پێشهاتەیێن سیاسی بو هژمارەكا كادرێن پارتی هاتە بەحس كرن
دهوك- KDP.info/ ژبو پتر رێكخستنا كارێ پارتایەتی ل سنورێ لقێ ئێكا پارتی دیموكراتی كوردستان و هشیاركرن و بهێزكرنا ئاستێ كادرێن پارتی ئەڤرو (عبدالخالق بابیری) ئەندامێ سەركردایەتیا پارتی و بەرپرسێ لقێ ئێك دوو سمینارێن جودا جودادا بو كادرێن لژنێن ناوچێن(سەرهلدان و شورەش و سێمێل و دوبان) ل دور رەوشا دەڤەرێ و دوماهیك پێشهاتەیێن سیاسی بو هژمارەكا كادرێن پارتی یێن سنورێ لژنێن ناڤبری پێشكێشكر.
مەسعود سەرنی بەرپرسێ راگەهاندن ورەوشەنبیریا لقی 1 بو kdp.infoدیاركر، پشتی راوەستیانا دەقیقەكا رێزگرتنێ ل سەر گیانێ شەهیدان بەرپرسێ لقێ چەند رونكرنەك بەردانە سەر رەوشا نوكەیا هەرێما كوردستان تێدا دبوریت ب تاییبەتی و بگشتی یا وەلاتێ عێراقێ و پەیوەندیێت هەرێمێ دگەل حكومەتا فیدرال پاشان بابیری بەحس ل سەر قوناغا ئەڤرویا هەرێم تێدا دبوریت كر و پێشكەفتنا دبوارێن بازرگانی و ئەمنی و گەشت و گوزاری دا بویە ئەگەرێ هندێ كو وەلاتێن بیانی و جیران بەرەف نێزیك بونە مەڤە بێن و دا دیار كرن كو ئەڤ قوناغە هەستیارترین قوناغا نەتەوێ كوردە تێدا دبوریت و پێتڤیە كورد ڤێ دەلیڤا نەتەوەیی و سیاسی ژ دەست نەدەن و ئێكرێزیا كوردان زوور یا پێتڤیە بو گەهشتنا مەرەمێت بوینە خەونا مللەتێ كورد ئەوژی سەربوخووبون و دەولەتبوون.
بەرپرسێ راگەهاندن ورەوشەنبیریا لقی 1 گوت ژی،هەروەسان دتەوەرەكێ دیێ سمینارا خودا بەرپرسێ لقێ دیاركر كو پێتڤی یە ئەم وەكو لقێ ئێكێ پارتی رێكخستنا خو بهێزبێخین و كادرێ پارتی دڤێت خو ئاڤا بكەتن ل سەر ئاست و پیڤەرێن بلندێن زانستی و رەوشەنبیری دا كو بشێت ب باشترین شێوە سەرەدەریێ دگەل خەلكێ خو بكەتن و خزمەتا گەل و وەلات و پارتا خوبكەتن و ببنە نموونا كوردپەروەریێ دناڤ جڤاكی دا و هەست ب بەرپرسیارەتیێ بكەن بەرامبەر ڤی مللەتی.
