عبدالخالق بابیری،ئەم ژی وەكو مللەتێ كورد شانازیێ ب وێ پێكڤە ژیانێ دكەین یاكو ئەڤرو بەرقەرار ل كوردستانێ
دهوك- KDP.info/ ئەڤرو ل بارەگایێ لقێ ئێكێ پارتی دیموكراتی كوردستان بەرێز(عبدالخالق بابیری) ئەندامێ جڤاتا سەركردایەتیا پارتی و بەرپرسێ لقێ ئێكێ پارتی پێشوازی شاندەكێ دێرا ئەرمەنان ل پارێزگەها دهوكێ كر ب سەروكاتیا قەشە(دێر ماسیس) قەشێ دێرا ئەرمەنان ل پارێزگەها دهوكێ.
مەسعود سەرنی بەرپرسێ راگەهاندن ورەوشەنبیریا لقی 1 بو kdp.info دیاركر،د روینشتنەكێ دا و پشتی پەیڤا بخێرهاتنێ ل شاندێ ناڤبری عبدالخالق بابیری خوشحالیا خو دیاركر بڤان سەرەدانێن بەردەوام یێن برایێن مەسیحی ژ(ئەرمەن و ئاشوری وكلدانیان)بو بارەگایێ لقێ ئێك چ ژجهێن ئاینی وەكو دێر كەنیسە یان دام ودەزگایێن وان یێن رەوشەنبیری.
هەروەسان بابیری دا خویاكرن ئەگەر هەر وەلاتەكێ جیهانێ شانازیێ ب دەستكەفتەكێ خو ببەت ئەم ژی وەكو مللەتێ كورد و رێبازا بارزانیێ نەمر شانازیێ ب وێ پێكڤە ژیانێ دكەین یاكو ئەڤرو بەرقەرار ل هەرێما كوردستانێ و بویە نموونەكا گەش و دیار و وەلات دیدەڤانن ل سەر ڤێ ئێگرتنا جڤاكێ هەرێما كوردستانێ و یا بویە جهێ سەرنجێ ئەوە كو هەرێما كوردستانێ خودان گومەلگایەكێ فرە نەتەوە و ئایینە.
بەرپرسێ راگەهاندن ورەوشەنبیریا لقی 1 گوت ژی،هەروەسان بەرپرسێ لقێ دئاخافتنا خودا گوت رێڤەچوون و بەردەوامی دان ب گیانێ لێبورینا جڤاكی و پێكڤە ژیانا ئول و نەتەوان ژ ئارمانجێن نەگورێن پارتی دیموكراتی كوردستانە.
ژلایێ خوڤە قەشە(دێر ماسیس)سوپاسیا سەركردایەتیا پارتی و لقێ ئێك كر بو هاندانا خەلكی بو لێبورینا جڤاكی و بەرسنگرتنا توندو تیژیێ دناڤبەرا نەتەوەو وئاییناندا.
ول دوماهیكا ڤێ روینشتنێ دا بەرپرسێ لقێ ئامادەیی و پشتەڤانیا خو بو شاندێ مێهڤان دا دیاركرن بو هەر كارەكێ پێتڤی.
