به‌رپرسێ لقێ8، هه‌لبژاردنێن سه‌ندیكا نوژدارێن كوردستانێ بو مه زور دگرنگن
زاخو- KDP.info/ ئه‌ڤرو ئه‌ندامێ جڤاتا سه‌ركردایه‌تیا پارتی دیموكراتی كوردستان وبه‌رپرسێ لقێ 8 به‌رێز (سه‌ربه‌ست له‌زگین) سمیناره‌ك پێشكێشی سه‌ندیكا نوژدارێن كوردستانێ تایێ زاخو كرودڤێ سمینارێ دا وژبلی پێشكێشكرنا سوپاسیێ وده‌ست خوه‌شیێ بو نوژداران كو خزمه‌تێن مروڤایه‌تیێ پێشكێش دكن به‌رپرسێ لقێ8 پارتی به‌حسێ نویترین پێشهاتێن سیاسی یێن دگورپانا عێراقا فیدرا لدا ول هه‌رێما كوردستانێ كر .
وئاماژه دا ب په‌یوه‌ندیێن هه‌رێمێ لگه‌ل به‌غدا وراگه‌هاند :كو پشتی وه‌رگرتنا نور ی المالكی بو جارا دووێ پوستێ سه‌روك وه‌زیرێن عێراقا فیدرال وه‌رگرتی روژ بو روژ كیشا وقه‌یرانا دروست دكت وسیاسه‌ته‌كا دكتاتوریه‌ت ب كار دئینت ونه‌خاسمه دژی هه‌رێما كوردستانێ كو تا گه‌هشتیه وێ رادێ موچێ فه‌رمانبه‌رێن هه‌رێمێ راگرتیه زێده‌باری نه هنارتنا بودجێ هه‌رێما كوردستانێ ورژدیا وی بو پێش گوه ئاڤێتنا ماف وداخوازیێن مه كوردان، لێ وبن سایا سیاسه‌تا حه‌كیمانه‌یا یا سه‌روك بارزانی وسه‌ركردایه‌تیا كوردستانێ هه‌مێ ئه‌و پیلان سه‌ر ناگرن وسه رناگه‌ڤن وجه‌ماوه‌رێ مه یێ كوردستانێ خوراگره.
ودته‌وه‌ره‌كێ دی یێ سمینارێ دا به‌رپرسێ لقێ 8 پارتی سه‌ربه‌ست له‌زگین ئاماژه دا ب وان پێشڤه‌چوونێن كه‌رتێ ساخله‌میێ بخوه ڤه دیتی ل هه‌رێما كوردستانێ ب گشتی ودیار كر كو حكومه‌تا هه‌رێما كوردستانێ پێته‌دانه‌كا تایبه‌ت دا یه كه‌رتێ ساخله‌میێ وخزمه‌تێن پاش پێشكێشێ وه‌لاتیان كریه .
وژلایه‌كێ دیڤه به‌رپرسێ لقێ8 پارتی به‌حسێ چه‌وانیا خوه ئاماده‌كرنێ بو سازكرنا كونگرێ سه‌ندیكا نوژدارێن كوردستانێ كر وراگه‌هاند كو هه‌لبژاردنێن سه‌ندیكا نوژدارێن كوردستانێ بو مه زور دگرنگن وهیڤی خواست كو ب شێوه‌یه‌كێ ئه‌كتیف پشكداریێ تێدا بكن وئه‌ڤێ پروسیسا دیموكراتی سه‌ربێخێن.
هه‌ژی گوتنێ یه كو چاڤه‌رێ یه ل هه‌یڤا چوارا داهاتی هه‌لبژاردنێن نوینه‌رێن سه‌ندیكا نوژدارێن كوردستانێ تایێ زاخو بێنه ئه‌نجامدان وپاشان ل هه‌یڤا پێنجا دوو هزار وچواردێ ول هه‌ولێرێ كونگرێ سه‌ندیكا نوژدارێن كوردستانێ بێته سازكرن.
