عبدالخالق بابیری،ئەڤ قوناغە هەستیارترین قوناغا نەتەوێ كورده تێدا دبوریت
دهوك- KDP.info/ژبو پتر رێكخستنا كارێ پارتایەتی ل سنورێ لقێ ئێكا پارتی دیموكراتی كوردستان و هشیاركرن و بهێزكرنا ئاستێ كادرێن ئەڤرو (عبدالخالق بابیری) ئەندامێ سەركردایەتیا پارتی و بەرپرسێ لقێ ئێك دوو سمینارێن جودا جودادا بو كادرێن لژنێن ناوچێن(كوماتە و ئاشتی و دهوك و ئازادی) ل دور رەوشا دەڤەرێ و دوماهیك پێشهاتەیێن سیاسی بو هژمارەكا كادرێن پارتی یێن سنورێ لژنێن ناڤبری پێشكێشكر.
مەسعود سەرنی بەرپرسێ راگەهاندن و رەوشەنبیریا لقی 1 بوkdp.infoدیاركر،پشتی راوەستیانا دەقیقەكا رێزگرتنێ ل سەر گیانێ شەهیدان بەرپرسێ لقێ چەند رونكرنەك بەردانە سەر رەوشا نوكەیا هەرێما كوردستان و عێراقێ و پەیوەندیێت هەرێمێ دگەل حكومەتا فیدرال پاشان بابیری بەحس ل سەر قوناغا ئەڤرویا هەرێم تێدا دبوریت كر و دا دیار كرن كو ئەڤ قوناغە هەستیارترین قوناغا نەتەوێ كورد تێدا دبوریت و پێتڤیە كورد ڤێ دەلیڤا نەتەوەیی و سیاسی ژ دەست نەدەن و ئێكرێزیا كوردان زوور یا پێتڤیە بو گەهشتنا مەرەمێت بوینە خەونا مللەتێ كورد ئەوژی سەربوخووبون و دەولەتبوون.
هەروەسابەرپرسێ راگەهاندن ورەوشەنبیریا لقی 1گوت، دتەوەرەكێ دیێ سمینارا خودا بەرپرسێ لقێ دیاركر كو پێتڤی یە ئەم وەكو لقێ ئێكێ پارتی رێكخستنا خو بهێزبێخین و كادرێ پارتی دڤێت خو ئاڤا بكەتن ل سەر ئاستێن بلندێن زانستی و رەوشەنبیری دا كو بشێت ب باشترین شێوە خزمەتا گەل و وەلات و پارتا خوبكەتن و ببنە نموونا كوردپەروەریێ دناڤ جڤاكی دا و هەست ب بەرپرسیارەتیێ بكەن بەرامبەر ڤی مللەتی.
