لقا 18 و جه‌ماوه‌رێ ده‌ڤه‌را ئامێدیێ مه‌شخه‌لا ئاگرێ نەورۆزێ هه‌لكرن
بهه‌لكه‌فتا جه‌ژنا نه‌وروزێ سه‌رسالا نوی یا نه‌ته‌وا كورد، وه‌ك نه‌ریته‌كێ سالانه یێ كورده‌واری، ل سه‌رانسه‌ری قه‌زا ئامێدیێ ئامێدیێ رێوره‌سمێن هه‌لكرنا مه‌شخه‌لێن ئاگری ب رێڤه‌چوون ل ئێڤارا روژا پێنج شه‌مبی رێكه‌فتی 2014/3/20.
ل ژێر چاڤدێریا (فه‌ریق فاروق) به‌رپرسێ لقێ 18ی پارتی دیموكراتی كوردستان و ب هه‌لكه‌فتا جه‌ژنا نه‌وروزێ و سه‌رسالا نوی یا كوردی لیژنا ناوچا شێلادزێ یا پارتی ئاهه‌نگه‌ك گێرا ب به‌رهه‌ڤبوونا هێژایان (فه‌ریق فاروق) به‌رپرسێ لقێ 18 و (ئه‌یسه‌ر جه‌رجیس) رێڤه‌به‌رێ ناحیا شێلادزێ و هه‌ژماره‌كا رێڤه‌به‌رێن داموده‌زگه‌هێن میری و حزبی و جه‌ماه‌ره‌كێ زور و ب پشكداریا هه‌ژماره‌كا هونه‌رمه‌ندان ل پاركا (دریم روز) ل ناحیا شێلادزێ لده‌مژمێر (4)ئێڤاری.
(فه‌ریق فاروق) به‌رپرسێ لقێ د په‌یڤه‌كێدا جه‌ژنا نه‌وروزێ و سه‌رسالا كوردی ل سه‌روكێ كوردستانێ و سه‌ركردایه‌تیا پارتی و ئاماده‌بویان و ته‌ڤایا كوردان پیروزكر، و دیاركر كو نه‌وروز بو گه‌لێ كورد هێمایا به‌رخودان و شوره‌ش و سه‌رهلدان و ئازادیێ یه و ب ده‌ستڤه‌ئینانا مافێن ره‌وایێن گه‌لێ كورد له‌وما سالانه ل روژا نه‌وروز دا یا فه‌ره بیر ل شه‌هیدێن گه‌لێ خو بكه‌ین یێن بو ڤان ئارمانجان گیانێ خو قوربانی گه‌ل و وه‌لاتێ خو كری و خویا كر كو سه‌روكێ هه‌رێمێ رێزدار (مه‌سعود بارزانی) بروسكه‌كا پیروزباهیێ بو لقێ 18 هنارتیه و تێدا ئه‌ڤ جه‌ژنه ل ته‌ڤایا خه‌لكێ ده‌ڤه‌رێ پیروزكریه.
ل دووڤدا و لبه‌ر چه‌ند سترانان ب ه‌نگێ سترانبێژ عه‌بدوللا هه‌ركی و سترانبێژ زێرین و چه‌ند گه‌نجێن ده‌ڤه‌رێ دیلان هاتن گرێدان و مه‌شخه‌لا ئاگرێ نه‌وروزێ هات هه‌لكرن و یاریێن ئاگری هاتن هاڤێتن و ئاهه‌نگ تا دره‌نگی شه‌ڤ یا به‌رده‌وام بوو.
ل سه‌نته‌رێ ئامێدیێ و لژێر چاڤدێریا (حسێن خالد) قایمقامێ ئامێدیێ و ب پشكداریا هێژایان (فه‌ریق فاروق) به‌رپرسێ لقێ 18ی پارتی دیموكراتی كوردستان و قایمقامێ ئامێدیێ و كاگێر و رێڤه‌به‌ر و فه‌رمانبه‌رێن داموده‌زگوهێن میری و حزبی و جه‌ماوه‌رێ ده‌ڤه‌رێ ب هه‌می لایەنێن سیاسی ڤه ل ده‌ڤه‌را ئامێدیێ رێ و ره‌سمێن نه‌وروزێ هاتن گێران ب رێپیڤانه‌كا رێكخستی كو وێنی بارزانیێ نه‌مر و كوردوسا ئالایێن كوردستانێ و هه‌لگرێن خه‌تیرێن ئاگری و جه‌ماوه‌ر ل دویڤدا ژ دوریانا ئامێدیێ (په‌یكه‌رێ شه‌هید عزه‌ت عه‌بدئه‌لعه‌زیز) و لده‌ورا ئامێدیێ تا ڤه‌گه‌ریاین دوباره بو به‌رامبه كوچكا قایمقامیێ و په‌یكه‌ری كو ئاگرێ نه‌وروزێ ژلایێ چه‌ند به‌رپرسێن ده‌ڤه‌رێ ڤه هاته هه‌لكرن، و ل دووڤدا په‌یڤه‌ك ژ لایێ قایمقامێ ئامێدیێ ڤه هاته خواندن و تێدا به‌حسێ پیروزیا ڤێ روژێ ل ده‌ڤ میلله‌تێ كورد كر و ل هه‌می خه‌لكی پیروزكر و ئاماژه‌دا ده‌ستكه‌فتێن گه‌لێ مه، و ل دووڤدا ل به‌ر ده‌نگێ ده‌هول و زرنا گوڤه‌ند هاتن گێران و ئه‌سمانێ ئامێدیێ ب یاریێن ئاگری هات رووهنكرن و ره‌نگگرن وه‌ك كه‌یف و خوشی و خه‌لكی جه‌ژنا نه‌وروزێ و سالا نوی ل ئێك ودو پیروزكر.
هه‌ر وه‌سان ل ناحیێن ( دێره‌لوك، سه‌رسنك، بامه‌رنێ، كانی ماسێ، چه‌مانكێ) و كومه‌لگه‌هێن (سیریێ، هێتوتێ، كوانێ، قه‌دش، بریفكا ) و لته‌ڤایا گوندێن ده‌ڤه‌رێ یێن سه‌ر ب قه‌زا ئامێدیێ ڤه چه‌ند رێ وره‌سم ب رێڤه‌چوون وئاگر هاتن هه‌لكرن.
عه‌لی رێكانی – قه‌دش
