جه‌ماوه‌رێ پارێزگه‌ها دهوكێ سوزو وپه‌یمان بو رێبازا بارزانیێ نه‌مر نووكرنه‌ڤه
دهوك-KDP.info/ شاندێ پارێزگه‌ها دهوكێ ب پشكداریا به‌رێزان(ته‌مه‌ر ره‌مه‌زان) پارێزگه‌رێ دهوكێ و(د.فازل عمر) سه‌روكێ جڤاتا پارێزگه‌هێ و(عبدالخالق بابیری) به‌رپرسێ لقێ 1 یێ پارتی دیموكراتی كوردستان وسازیێن حزبی وئیداری وجه‌ماوه‌ری سه‌ره‌دانا بارزان كرن، ژلایێ به‌رێز خه‌لات بارزانی نوونه‌رێ سه‌روك بارزانی پێشوازی لێ هاته كرن پاش شاندێ پارێزگه‌هێ سه‌را مه‌زارێ نه‌مران دا وفاتیحه‌ك ل سه‌ر گیانێ بارزانیێ نه‌مر وئدریسێ هه‌رده‌م ساخ خاندن وسوز وپه‌یمان دان كو ل سه‌ر رێبازا هه‌ردوو نه‌مران خه‌بات وخزمه‌تێ بو كورد وكوردستانیان بكه‌ن.
هه‌ر بڤێ هه‌لكه‌فتێ به‌رێز عبدالخالق بابیری به‌رپرسێ لقێ 1په‌یڤا جه‌ماوه‌رێ دهوكێ خاند وگوت : ئه‌ڤرو ئه‌م هه‌موو ب دام وده‌زگه‌هێن حزبی وئیداری وجه‌ماوه‌ریڤه ل سنورێ پارێزگه‌ها دهوكێ وسنورێ لقێ 1هاتینه سه‌ر گورێ نه‌مران وسه‌رێ خو دچه‌مینین كو وه‌فاداربین بو رێبازا رێبه‌رێ نه‌ته‌وا كورد بارزانیێ نه‌مر كو ئه‌وی مروڤی هه‌موو ژیێ خو ته‌رخانكربو ژپێخه‌مه‌ت كورد وكوردستانێ ونه‌ته‌وا كورد، رێبازه‌ك ئاڤاكری یه ل هه‌ر چار پارچێن كوردستانێ وبویه بنگه‌هێ هشیاریا نه‌ته‌وه‌یی، بارزانیێ نه‌مر كومه‌كا شوره‌ش وسه‌رهلدان به‌رپاكرن ژوانا شوره‌شا ئه‌یلولا مه‌زن كو دونیایه‌كا قوربانی وشه‌هید داینه وبه‌رامبه‌ر وێ خه‌باتێ حكومه‌تێن ئێك ل دوف ئێك یێن ئیراقێ گه‌له‌ك زولم دژی ملله‌تێ كورد كریه،به‌لێ ڤێ رێبازێ ب تێكوشینا بارزانیێ نه‌مر شیان گه‌لێ كورد ژقوناغا مرن ونه‌مانێ قورتالكه‌ن وبگه‌هینه قوناغێن سه‌رفرازیێ نه‌خاسمه سالا 1970به‌یانا 11ئادارێ كو حكومه‌تا ئیراقێ نه‌چاركر كو سه‌رێ خو بو دانا مافێن ملله‌تێ كورد بچه‌مینیت،هه‌روه‌سا به‌رده‌وامیا ڤێ رێبازێ هه‌تا ئه‌ڤرو ژی تایبه‌تی پشتی سه‌رهلدانا پیروز كو بوینه ئه‌گه‌رێ ئاڤاكرنا په‌رله‌مان وحكومه‌تا كوردستانێ كو خه‌لكێ ده‌وروبه‌ر وده‌رڤه‌ژی هه‌تا ئه‌ڤرو حه‌سودیێ پێ دبه‌ن ...ئه‌ڤ رێبازه نیشانێ پاراستنا نه‌ته‌وه‌یی وبه‌رخودان وتێكوشینا خه‌لكێ كوردستانێ یه ئه‌ڤرو ژی ئه‌و رێباز بو خه‌لكێ كوردستانێ یا گرنگه وسیاسه‌تا سه‌روك مسعود بارزانی هه‌ر ل دوف وێ رێبازێ دهێته مه‌شاندن ژپێخه‌مه‌ت هندێ كو گه‌لێ كورد بگه‌هیته قوناغا ئازادی وسه‌رفرازیێ، هه‌روه‌سا ئه‌م ل هه‌مبه‌ر گورێ خودێ ژێ رازی ئدریسێ جانه‌مه‌رگ ئه‌و مروڤێ مه‌زن یێ كو دشوره‌شا ئه‌یلولا مه‌زن وگولانا پێشكه‌فتنخواز دا روله‌كێ سه‌ره‌كی دیتی دتێكوشینا پارتی دیموكراتی كوردستان وخه‌لكێ كوردستانێ دا،رێزگرتن و وه‌فاداری بو ڤان نه‌مران ئه‌ڤرو مه سه‌ره‌دانا گورێ وان كر وسوزو وپه‌یمانێ دده‌ین هه‌ر بمینین ل سه‌ر رێبازا وان چونكو ئه‌ڤ رێبازه دێ پاشه‌روژا ملله‌تێ كورد گه‌هینیته قوناغا ئازادی وسه‌رخوه‌بونێ.
