برورسكا لقێ ١٨ بهه‌لكه‌فتا (26) سالیا تاوانا جینوسایدا هه‌له‌بچه
ب هه‌لكه‌فتا بیره‌وه‌ریا سالڤه‌گه‌را (26) سالیا تاوانا جینوسایدا هه‌له‌بچه، ئه‌م بناڤێ لقا18 یا پارتى دیموكراتى كوردستان سه‌رێ رێزو رومه‌تێ دچه‌مینین بو شه‌هیدێن ڤێ كاره‌ساتا جه‌رگ بر و ته‌ڤایا شه‌هیدێن بزاڤا ئازادى خوازا گه‌لێ كوردستانێ و سلاڤا دهنێرین بو كه‌س و كارو مالباتێن وان ئه‌وێن دروژه‌كا وه‌كو ئه‌ڤرودا ئانكو ل رێكه‌فتى (16/3/1988)ێ كه‌فتینه به‌ر كه‌رب و كین و چه‌كێ كوم كوژێ رژێما گور به‌گورا (سه‌دام حسێن)ى و دئه‌نجام دا ب هزاران وه‌لاتیێن بێ گونه‌ه و سڤیل ژ زاروك و پیرو وجانان بووینه قوربانى ڤێ تاوانا هوڤانه ئه‌وا وژدانا مروڤایه‌تیێ سه‌رانسه‌رى جیهانێ هه‌ژاندى و مه‌زلومیه‌تا ملله‌تێ كورد ب به‌لگه دایه نیاسین.
بێ گومان تاوانا هه‌له‌بچه ئێك ژوان زنجیره تاوانێن مه‌زن و شه‌رێ كومكوژیێ بوویه ئه‌وێن بدرێژیا مێژوا هه‌ڤچه‌رخا گه‌لێ كوردستانێ دهاته په‌یره‌و كرن ژلایێ داگیركه‌رێن كوردستانێ ڤه بمه‌ره‌ما ژناڤبرنا گه‌لێ كوردستانێ ب هه‌مى پێكهات و ئول و نه‌ته‌وه ڤه، له‌وما هیڤیا مه ئه‌وه ئه‌ڤ هه‌لكه‌فته ببیته هانده‌ره‌ك ژبو موكومكرنا رێزێن خه‌لكێ كوردستانێ دئێك سه‌نگه‌ر دا پێخه‌مه‌ت بده‌ست ڤه ئینانا مافێ چاره نڤێس.
لقا18
نڤێسینگه‌ها ره‌وشه‌نبیرى و راگه‌هاندن
١٦/٣/٢٠١٤
